Memleket basshysy Qasym-Jomart Toqaev Ulttyq qaýipsizdik komitetiniń tóraǵasy Ermek Saǵymbaevty qabyldady. Kezdesýde sybailas jemqorlyqqa qarsy is-qimyl, terrorizm men ekstremizmge qarsy kúres jáne eldiń qaýipsizdigin qamtamasyz etý máseleleri qaraldy, dep habarlaidy dalanews.kz.
Ermek Saǵymbaev Prezidentke Ulttyq qaýipsizdik komitetiniń jyl basynan beri atqarǵan jumysynyń negizgi nátijeleri týraly esep berip, aldaǵy kezeńge arnalǵan josparlaryn tanystyrdy.
Atap aitqanda, Memleket basshysyna terrorizm men ekstremizmge, esirtki biznesi men uiymdasqan qylmysqa qarsy kúres baǵytynda qabyldanǵan sharalar baiandaldy.
Kezdesý barysynda sybailas jemqorlyqqa qarsy is-qimyl máselesine erekshe nazar aýdaryldy. Sonymen qatar kiberqaýipsizdik pen aqparattyq qaýipsizdikti qamtamasyz etý baǵytyndaǵy jumystar talqylandy.
Kezdesý qorytyndysy boiynsha Qasym-Jomart Toqaev Ulttyq qaýipsizdik komitetiniń qyzmetine qatysty birqatar tapsyrma berdi.
Aqorda tapsyrmalardyń naqty mazmunyn jariialaǵan joq.
