Memleket basshysy Qasym-Jomart Toqaev «Samuryq-Qazyna» ulttyq ál-aýqat qory men «Qazaqstan temir joly» ulttyq kompaniiasy basshylarynyń ustalýyna bailanysty málimdeme jasady. Prezident bul jaǵdaidy memlekettik kompaniialarda jemqorlyqtyń beleń alǵanyn kórsetetin asa kúrdeli oqiǵa dep baǵalap, Konstitýtsiia talaptaryn buzǵandar «Zań men tártip» qaǵidatyna sáikes qatań jazalanatynyn eskertti, dep habarlaidy dalanews.kz.
Memleket basshysy bul týraly Qaýipsizdik keńesiniń shuǵyl otyrysynda aitty. Onyń sózinshe, buǵan deiin buqaralyq aqparat quraldarynda «Samuryq-Qazyna» qory men «Qazaqstan temir joly» kompaniiasy basshylarynyń ustalǵany týraly aqparat taraǵan.
«Ashyǵyn aitqanda, bul - memlekettik kompaniialarda jemqorlyq beleń alǵanyn kórsetetin asa kúrdeli jaǵdai», - dedi Prezident.
Toqaev tergeý jumystary endi bastalǵanyn jáne zań boiynsha tergeý barysyna qatysty málimetterdi jariialaýǵa nemese ashyp kórsetýge bolmaitynyn atap ótti.
«Alaida qazirdiń ózinde myna nárseni anyq aitýǵa bolady: bul - biz «Zań men tártip» tujyrymdamasyn jariialap, ony Konstitýtsiiamyzda memlekettik basqarý men qoǵam ómiriniń basty qaǵidaty retinde bekitkeli beri birtutas júiege kiretin memlekettik kompaniialarda bolyp turǵan sybailas jemqorlyqqa qatysty alǵashqy iri is», - dedi Qasym-Jomart Toqaev.
Prezident Konstitýtsiianyń 15 naýryzda ótken jalpyulttyq referendýmda qabyldanyp, 1 shildede zańdy kúshine engenin eske saldy. Osylaisha, memleketimizdiń bas qujaty «Halyq Konstitýtsiiasy» dep atalǵanyn aitty.
Memleket basshysynyń pikirinshe, Konstitýtsiianyń erejeleri men baptaryn buzýǵa, halyqtyń osy qasietti qujatyn kelemejdeýge nemese kemsitýge eshkimniń quqyǵy joq.
«Konstitýtsiia - memleketimizdiń negizgi zańy, bul - halqymyzdyń quqyqtyq tólqujaty. Sondyqtan Konstitýtsiiany kúlki qylý, onyń negizgi erejelerin mensinbeý halqymyzdy kemsitýmen birdei. Ondai áreket jasaǵandar «Zań men tártip» qaǵidatyna sáikes qatań túrde jazaǵa tartylatyn bolady», - dep málimdedi Prezident.
Ol másele memlekettiń abyroiyna, qoǵamnyń ulttyq institýttarǵa degen senimine jáne Qazaqstannyń halyqaralyq bedeline tikelei qatysty ekenin atap ótti. Osyǵan bailanysty halyq atynan bilik júrgizýge ókilettik alǵan tulǵalar ult múddesin qorǵaý jolynda aianbai eńbek etýi kerek ekenin aitty.
«Másele memleketimizdiń abyroiy, qoǵamnyń ulttyq institýttarǵa degen senimi, Qazaqstannyń halyqaralyq bedeli týraly bolǵanda biz, halyq bilik etý ókildigin bergen tulǵalar, ult múddesin qorǵaý jolynda aianbai eńbek etýimiz kerek, sol úshin qolymyzdan kelgenniń bárin jasaýymyz kerek. Bul - azamattyq jáne saiasi boryshymyz», - dedi Qasym-Jomart Toqaev.
Prezident «Samuryq-Qazyna» qorynyń el ekonomikasyndaǵy strategiialyq róline de toqtaldy. Onyń aitýynsha, qor memlekettiń strategiialyq aktivterin basqarady, aýqymdy investitsiialyq jobalardy júzege asyrady, iri sheteldik kompaniialarmen jáne halyqaralyq qarjy institýttarymen tyǵyz bailanys ornatady.
Memleket basshysy mundai seriktestikterdiń artynda uzaq jyldarǵa sozylatyn kelissózder, halyqaralyq qaýymdastyqtyń Qazaqstanǵa degen senimi jáne memleket moinyna alǵan naqty mindettemeler turǵanyn eske saldy.
«Túptep kelgende, kez kelgen kelisimniń, seriktestiktiń artynda uzaq jyldar boiy jasalatyn kóptegen kelissózder, sonyń ishinde halyqaralyq qaýymdastyqtyń elimizge degen úlken senimi men memleketimizge júktelgen naqty mindetter turady», - dedi Prezident.
Toqaevtyń aitýynsha, memlekettik kompaniialardyń qyzmetindegi zańdylyq pen jaýapkershilik máselesi tek ishki basqarý júiesine ǵana emes, eldiń halyqaralyq bedeli men strategiialyq múddelerine de áser etedi.
