Ýkraina prezidenti Vladimir Zelenskii 12 qarasha kúni Irlandiiada AQSh prezidenti Donald Tramptyń arnaiy ókilderi Djared Kýshner jáne Stiv Ýitkoffpen kezdesti. Kezdesýde Ýkrainadaǵy soǵysty toqtatý jónindegi kelissózderdiń barysy, tutqyn almasý jáne Eýropa elderiniń beibit kelissózderge qatysýy talqylandy, dep habarlaidy dalanews.kz.
AFP agenttigi men Ýkrainanyń «Sýspilne» basylymynyń habarlaýynsha, kezdesý Dýblin mańyndaǵy Baldonnel qalasynda ornalasqan Keisment áskeri áýe bazasynda ótti. AQSh ókilderi Ýkraina basshysyna buǵan deiin Máskeýde Resei prezidenti Vladimir Pýtinmen ótkizgen kezdesýdiń nátijelerin jetkizýge tiis bolǵan. Onda Ýkrainadaǵy soǵysty beibit jolmen retteý máselesi qarastyrylǵan.
Soǵys bastalǵaly bergi eń iri tutqyn almasý bolýy múmkin
Kelissózderden keiin Vladimir Zelenskii, Stiv Ýitkoff jáne Djared Kýshner baspasóz aldynda málimdeme jasady. Ýkraina prezidentiniń aitýynsha, Máskeýdegi kezdesýdiń mańyzdy nátijeleriniń biri – Resei men Ýkraina arasynda tutqyn almasý týraly ýaǵdalastyqqa qol jetkizilýi. Zelenskii aldaǵy almasý soǵys bastalǵaly bergi eń aýqymdy operatsiia bolýy múmkin ekenin aitty.
Sondai-aq ol AQSh tarapy Eýropa elderiniń kelissózderge qatysýy jóninde de ilgerileýshilikke qol jetkizgenin jetkizdi. Kelesi kezdesýde Eýropa ókilderi kelissózder tobynyń quramyna enip, talqylaý barysynda óz ustanymdaryn bildirý quqyǵyna ie bolady.
Eýropa elderi kelissózderge qatysa ma?
Eske salaiyq, 12 qarashada Máskeýde Donald Tramptyń arnaiy ókilderi Djared Kýshner men Stiv Ýitkoff Resei prezidenti Vladimir Pýtinmen kezdesken. Bul kezdesý AQSh-tyń araaǵaiyndyǵymen 10-11 qarashada Abý-Dabide ótken Ýkraina men Resei delegatsiialarynyń eki kúndik kelissózderinen keiin uiymdastyryldy.
«Sýspilne» málimetinshe, Máskeýdegi kezdesýde Konstantinovkadaǵy gýmanitarlyq operatsiia, tutqyn almasý jáne Ýkraina aýmaǵyndaǵy eýropalyq áskeri kontingent máseleleri de sóz bolǵan. Al Zelenskiidiń Ýitkoff jáne Kýshnermen kezdesýine Eýropa ókilderi qatyspaǵan.
Buǵan deiin, arnaiy ókildermen júzdespes buryn, Ýkraina prezidenti Dýblinde Eýropanyń tórt jetekshi eli – Ulybritaniia, Germaniia, Frantsiia jáne Italiianyń ulttyq qaýipsizdik jónindegi keńesshilerimen, sondai-aq Eýropalyq komissiia men Eýropalyq keńes ókilderimen kezdesken.
Zelenskii Telegram-daǵy jazbasynda seriktesterine amerikalyq tarappen dialogqa qatysqany, syndarly ustanymy men qoldaýy úshin alǵys bildirgen.
