ۋكراينا پرەزيدەنتٸ ۆلاديمير زەلەنسكيي 12 قاراشا كٷنٸ يرلاندييادا اقش پرەزيدەنتٸ دونالد ترامپتىڭ ارنايى ٶكٸلدەرٸ دجارەد كۋشنەر جەنە ستيۆ ۋيتكوففپەن كەزدەستٸ. كەزدەسۋدە ۋكرايناداعى سوعىستى توقتاتۋ جٶنٸندەگٸ كەلٸسسٶزدەردٸڭ بارىسى, تۇتقىن الماسۋ جەنە ەۋروپا ەلدەرٸنٸڭ بەيبٸت كەلٸسسٶزدەرگە قاتىسۋى تالقىلاندى, دەپ حابارلايدى dalanews.kz.
AFP اگەنتتٸگٸ مەن ۋكراينانىڭ «سۋسپيلنە» باسىلىمىنىڭ حابارلاۋىنشا, كەزدەسۋ دۋبلين ماڭىنداعى بالدوننەل قالاسىندا ورنالاسقان كەيسمەنت ەسكەري ەۋە بازاسىندا ٶتتٸ. اقش ٶكٸلدەرٸ ۋكراينا باسشىسىنا بۇعان دەيٸن مەسكەۋدە رەسەي پرەزيدەنتٸ ۆلاديمير پۋتينمەن ٶتكٸزگەن كەزدەسۋدٸڭ نەتيجەلەرٸن جەتكٸزۋگە تيٸس بولعان. وندا ۋكرايناداعى سوعىستى بەيبٸت جولمەن رەتتەۋ مەسەلەسٸ قاراستىرىلعان.
سوعىس باستالعالى بەرگٸ ەڭ ٸرٸ تۇتقىن الماسۋ بولۋى مٷمكٸن
كەلٸسسٶزدەردەن كەيٸن ۆلاديمير زەلەنسكيي, ستيۆ ۋيتكوفف جەنە دجارەد كۋشنەر باسپاسٶز الدىندا مەلٸمدەمە جاسادى. ۋكراينا پرەزيدەنتٸنٸڭ ايتۋىنشا, مەسكەۋدەگٸ كەزدەسۋدٸڭ ماڭىزدى نەتيجەلەرٸنٸڭ بٸرٸ – رەسەي مەن ۋكراينا اراسىندا تۇتقىن الماسۋ تۋرالى ۋاعدالاستىققا قول جەتكٸزٸلۋٸ. زەلەنسكيي الداعى الماسۋ سوعىس باستالعالى بەرگٸ ەڭ اۋقىمدى وپەراتسييا بولۋى مٷمكٸن ەكەنٸن ايتتى.
سونداي-اق ول اقش تاراپى ەۋروپا ەلدەرٸنٸڭ كەلٸسسٶزدەرگە قاتىسۋى جٶنٸندە دە ٸلگەرٸلەۋشٸلٸككە قول جەتكٸزگەنٸن جەتكٸزدٸ. كەلەسٸ كەزدەسۋدە ەۋروپا ٶكٸلدەرٸ كەلٸسسٶزدەر توبىنىڭ قۇرامىنا ەنٸپ, تالقىلاۋ بارىسىندا ٶز ۇستانىمدارىن بٸلدٸرۋ قۇقىعىنا يە بولادى.
ەۋروپا ەلدەرٸ كەلٸسسٶزدەرگە قاتىسا ما?
ەسكە سالايىق, 12 قاراشادا مەسكەۋدە دونالد ترامپتىڭ ارنايى ٶكٸلدەرٸ دجارەد كۋشنەر مەن ستيۆ ۋيتكوفف رەسەي پرەزيدەنتٸ ۆلاديمير پۋتينمەن كەزدەسكەن. بۇل كەزدەسۋ اقش-تىڭ ارااعايىندىعىمەن 10-11 قاراشادا ابۋ-دابيدە ٶتكەن ۋكراينا مەن رەسەي دەلەگاتسييالارىنىڭ ەكٸ كٷندٸك كەلٸسسٶزدەرٸنەن كەيٸن ۇيىمداستىرىلدى.
«سۋسپيلنە» مەلٸمەتٸنشە, مەسكەۋدەگٸ كەزدەسۋدە كونستانتينوۆكاداعى گۋمانيتارلىق وپەراتسييا, تۇتقىن الماسۋ جەنە ۋكراينا اۋماعىنداعى ەۋروپالىق ەسكەري كونتينگەنت مەسەلەلەرٸ دە سٶز بولعان. ال زەلەنسكييدٸڭ ۋيتكوفف جەنە كۋشنەرمەن كەزدەسۋٸنە ەۋروپا ٶكٸلدەرٸ قاتىسپاعان.
بۇعان دەيٸن, ارنايى ٶكٸلدەرمەن جٷزدەسپەس بۇرىن, ۋكراينا پرەزيدەنتٸ دۋبليندە ەۋروپانىڭ تٶرت جەتەكشٸ ەلٸ – ۇلىبريتانييا, گەرمانييا, فرانتسييا جەنە يتالييانىڭ ۇلتتىق قاۋٸپسٸزدٸك جٶنٸندەگٸ كەڭەسشٸلەرٸمەن, سونداي-اق ەۋروپالىق كوميسسييا مەن ەۋروپالىق كەڭەس ٶكٸلدەرٸمەن كەزدەسكەن.
زەلەنسكيي Telegram-داعى جازباسىندا سەرٸكتەستەرٸنە امەريكالىق تاراپپەن ديالوگقا قاتىسقانى, سىندارلى ۇستانىمى مەن قولداۋى ٷشٸن العىس بٸلدٸرگەن.
