استانادا ەۋەجايدىڭ ەكٸنشٸ ۇشۋ-قونۋ جولاعىن سالۋ جەنە ينفراقۇرىلىمىن دامىتۋ ٷشٸن 57 جەر ۋچاسكەسٸ مەجبٷرلٸ تٷردە مەملەكەت مۇقتاجىنا الىنادى, دەپ حابارلايدى dalanews.kz.
استانا قالاسى ەكٸمدٸگٸ تيٸستٸ قاۋلى قابىلدادى. قۇجات «ۆەچەرنيايا استانا» گازەتٸندە جارييالانعان.
قاۋلىعا تٸركەلگەن تٸزٸمدە قابانباي باتىر داڭعىلى, ەۋەجاي اۋماعى جەنە ەسٸل اۋدانى ماڭىندا ورنالاسقان 57 جەر ۋچاسكەسٸ كٶرسەتٸلگەن. ولاردىڭ يەلەرٸ قاتارىندا استانا ەۋەجايى, «قازتسينك», SCAT, Air Astana, «قازاۆياناۆيگاتسييا» كومپانييالارى جەنە باسقا دا ۇيىمدار بار. سونداي-اق تٸزٸمگە بٸر جەكە تۇلعاعا تيەسٸلٸ جەر تەلٸمٸ ەنگٸزٸلگەن.
جەر ۋچاسكەلەرٸن مەجبٷرلەپ يەلٸكتەن شىعارۋ رەسٸمٸ 2027 جىلعى 1 اقپان مەن 2028 جىلعى 1 اقپان ارالىعىندا جٷرگٸزٸلەدٸ.
مەملەكەتتٸك ورگاندار قاۋلى جارييالانعاننان كەيٸن ٷش كٷنتٸزبەلٸك كٷن ٸشٸندە جەر يەلەرٸ مەن جەر پايدالانۋشىلاردى حاباردار ەتۋگە تيٸس. حابارلاما العان ازاماتتار مەن ۇيىمدارعا كەلٸسۋ رەسٸمٸن باستاۋ ٷشٸن 15 كٷنتٸزبەلٸك كٷن بەرٸلەدٸ.
ايتا كەتەيٸك, ەۋەجايدىڭ ەكٸنشٸ ۇشۋ-قونۋ جولاعىن سالۋ ەلوردانىڭ ەۋە ينفراقۇرىلىمىن جاڭعىرتۋ جوباسىنىڭ بٸر بٶلٸگٸ سانالادى. 2026 جىلعى اقپاندا پرەمەر-مينيستر ولجاس بەكتەنوۆ قۇرىلىستى بيىل باستاۋ جوسپارلانعانىن مەلٸمدەگەن ەدٸ.
ٷكٸمەت باسشىسىنىڭ ايتۋىنشا, ەكٸنشٸ جولاق پايدالانۋعا بەرٸلگەننەن كەيٸن ەۋەجايدىڭ جولاۋشىلار ٶتكٸزۋ مٷمكٸندٸگٸ جىلىنا 40 ميلليون ادامعا دەيٸن ارتۋى مٷمكٸن.
