Prezident Qasym-Jomart Toqaev Úkimet pen baqylaýshy organdarǵa 24 qarashaǵa deiin sybailas jemqorlyqqa qatysty quqyqbuzýshylyqtardy barynsha azaitý jáne kvazimemlekettik sektordaǵy kompaniialardyń jumys sapasyn jaqsartý jóninde usynys engizýdi tapsyrdy. Memleket basshysy jemqorlyqqa batqan adamdardy eldiń qas jaýy dep atap, memlekettik kompaniialardaǵy sybailas jemqorlyqty olardyń basty dertine teńedi, dep habarlaidy dalanews.kz.
Bul týraly Prezident Qaýipsizdik keńesiniń shuǵyl otyrysynda málimdedi. Toqaev joǵary laýazym ielený úlken jaýapkershilikti talap etetinin aityp, eshkimniń zańnan joǵary turmaitynyn eskertti.
«Joǵary laýazymǵa ie bolý - árqashan jáne árdaiym júkteletin joǵary jaýapkershilikti durys túsiný degen sóz. Qoǵamymyzda atqaratyn laýazymyna, sińirgen eńbegine ne bolmasa tamyr-tanystaryna, sonyń ishinde týystyq bailanystaryna qaramastan, eshkim de zańnan attap kete almaidy. Bul - men úshin myzǵymaityn, iaǵni ózgermeitin ustanym», - dedi Memleket basshysy.
Prezident sońǵy ýaqytta keibir kelisimder men sharttardyń qaita qaralǵanyn aityp, olardyń bastapqyda jasalýyn qate sheshim dep baǵalady. Sonymen birge bilik kásipkerlerge kedergi keltirýdi kózdemeitinin, kerisinshe, olarǵa jan-jaqty qoldaý kórsetiletinin atap ótti.
Osy oraida Toqaev kelesi jyldyń 1 qańtarynan bastap shaǵyn kásipkerlikti tekserýge arnalǵan taǵy bir úsh jyldyq moratorii jariialaý jóninde tapsyrma bergenin eske saldy. Onyń aitýynsha, «Zań men tártip» strategiiasynyń negizgi máni - zań men ádilettilik qaǵidattaryna sáikes kómekke muqtaj azamattar men kásiporyndarǵa qoldaý kórsetý.
Memleket basshysy «Samuryq-Qazyna» qorynyń apparaty men memlekettik kompaniialardyń, sonyń ishinde «Qazaqstan temir jolynyń» jumysy toqtamaitynyn málimdedi. Onyń aitýynsha, memlekettik kompaniialarǵa qarasty barlyq mekeme qalypty rejimde jumys istep jatyr.
«Jemqorlyqqa qarsy júrgizilip jatqan kúres investorlar men nesie berýshilerdiń atalǵan institýtqa degen senimin arttyryp, olardyń meilinshe tiimdi, ashyq jáne jemisti jumys isteýine múmkindik beredi dep sanaimyn», - dedi Prezident.
Toqaev Bas prokýratýranyń jalpy somasy 1,3 trillion teńgeden asatyn zańsyz iemdenilgen aktivterdi qaitarǵanyn da atap ótti. Bul qarajat 466 áleýmettik jáne infraqurylymdyq nysannyń qurylysyna baǵyttalǵan. Qazirgi ýaqytta olardyń 383-i, sonyń ishinde meditsinalyq mekemeler, sýmen jabdyqtaý jelileri, mektepter men sport keshenderi salynyp bitken.
Prezident qurylys nysandarynyń sapasyna da nazar aýdardy. Onyń sózinshe, keibir nysandardyń, sonyń ishinde joldardyń sapasy talapqa sai bolmaityn jaǵdailar jii kezdesedi. Sondyqtan qaitarylǵan qarajat esebinen salynǵan nysandardyń sapasyn tekserýge negiz bar.
«Degenmen osy oqiǵanyń ózi jemqorlyqqa qatysty quqyq buzýshylyqtar memlekettik kompaniialardyń eń osal tusy, iaǵni basty derti ekenin aiqyn kórsetip otyr», - dedi Qasym-Jomart Toqaev.
«Jemqorlar - bizdiń qas jaýymyz»
Memleket basshysy eldiń jańa tarihi kezeńge qadam basqanyn aityp, burynǵy jetistikterge toqmeiilsýge jáne jumysta selqostyq tanytýǵa bolmaitynyn eskertti.
«Al sybailas jemqorlyqqa batqan nieti teris kisiler - bizdiń qas jaýymyz. Olar qazirdiń ózinde «Halyqtyq qurylys» baǵdarlamasyn iske asyrýǵa kedergi keltirip, ziian tigizýdi oilap júr. Biz buǵan, álbette, eshqashan jol bermeimiz», - dedi Prezident.
Toqaev barlyq áleýmettik infraqurylym nysandary, sonyń ishinde joldar, áýejailar, emhanalar, ońaltý ortalyqtary, shyǵarmashylyq úileri, mektepter men sport keshenderi sapaly salynýy kerektigin aitty. Onyń sózinshe, bul - múltiksiz oryndalýǵa tiis talap.
Memleket qarjysynyń tiimdi jumsalýyn arnaiy memlekettik komissiia qadaǵalaidy. Prezident komissiia quramynyń kelesi aptanyń basynda jariialanatynyn jetkizdi. Bul jumystyń túpki maqsaty - halyqtyń ál-aýqatyn arttyryp, azamattardyń turmys sapasyn jaqsartý.
«Osy iste Konstitýtsiiamyzda bekitilgen Zań, Ádilettilik jáne Tártip qaǵidattary ainymas temirqazyǵymyz bolady. Árine, bul jol ońai bolmaidy. Tipti túrli qiyndyqtar da kezdesetini anyq. Halqymyz «Jol muraty - jetý» dep beker aitpaǵan. Sondyqtan tabandylyq tanytyp, alǵa qoiǵan maqsattarymyzǵa mindetti túrde qol jetkizemiz», - dep túiindedi sózin Memleket basshysy.
