پرەزيدەنت قاسىم-جومارت توقاەۆ ٷكٸمەت پەن باقىلاۋشى ورگاندارعا 24 قاراشاعا دەيٸن سىبايلاس جەمقورلىققا قاتىستى قۇقىقبۇزۋشىلىقتاردى بارىنشا ازايتۋ جەنە كۆازيمەملەكەتتٸك سەكتورداعى كومپانييالاردىڭ جۇمىس ساپاسىن جاقسارتۋ جٶنٸندە ۇسىنىس ەنگٸزۋدٸ تاپسىردى. مەملەكەت باسشىسى جەمقورلىققا باتقان ادامداردى ەلدٸڭ قاس جاۋى دەپ اتاپ, مەملەكەتتٸك كومپانييالارداعى سىبايلاس جەمقورلىقتى ولاردىڭ باستى دەرتٸنە تەڭەدٸ, دەپ حابارلايدى dalanews.kz.
بۇل تۋرالى پرەزيدەنت قاۋٸپسٸزدٸك كەڭەسٸنٸڭ شۇعىل وتىرىسىندا مەلٸمدەدٸ. توقاەۆ جوعارى لاۋازىم يەلەنۋ ٷلكەن جاۋاپكەرشٸلٸكتٸ تالاپ ەتەتٸنٸن ايتىپ, ەشكٸمنٸڭ زاڭنان جوعارى تۇرمايتىنىن ەسكەرتتٸ.
«جوعارى لاۋازىمعا يە بولۋ - ەرقاشان جەنە ەردايىم جٷكتەلەتٸن جوعارى جاۋاپكەرشٸلٸكتٸ دۇرىس تٷسٸنۋ دەگەن سٶز. قوعامىمىزدا اتقاراتىن لاۋازىمىنا, سٸڭٸرگەن ەڭبەگٸنە نە بولماسا تامىر-تانىستارىنا, سونىڭ ٸشٸندە تۋىستىق بايلانىستارىنا قاراماستان, ەشكٸم دە زاڭنان اتتاپ كەتە المايدى. بۇل - مەن ٷشٸن مىزعىمايتىن, ياعني ٶزگەرمەيتٸن ۇستانىم», - دەدٸ مەملەكەت باسشىسى.
پرەزيدەنت سوڭعى ۋاقىتتا كەيبٸر كەلٸسٸمدەر مەن شارتتاردىڭ قايتا قارالعانىن ايتىپ, ولاردىڭ باستاپقىدا جاسالۋىن قاتە شەشٸم دەپ باعالادى. سونىمەن بٸرگە بيلٸك كەسٸپكەرلەرگە كەدەرگٸ كەلتٸرۋدٸ كٶزدەمەيتٸنٸن, كەرٸسٸنشە, ولارعا جان-جاقتى قولداۋ كٶرسەتٸلەتٸنٸن اتاپ ٶتتٸ.
وسى ورايدا توقاەۆ كەلەسٸ جىلدىڭ 1 قاڭتارىنان باستاپ شاعىن كەسٸپكەرلٸكتٸ تەكسەرۋگە ارنالعان تاعى بٸر ٷش جىلدىق موراتوريي جارييالاۋ جٶنٸندە تاپسىرما بەرگەنٸن ەسكە سالدى. ونىڭ ايتۋىنشا, «زاڭ مەن تەرتٸپ» ستراتەگيياسىنىڭ نەگٸزگٸ مەنٸ - زاڭ مەن ەدٸلەتتٸلٸك قاعيداتتارىنا سەيكەس كٶمەككە مۇقتاج ازاماتتار مەن كەسٸپورىندارعا قولداۋ كٶرسەتۋ.
مەملەكەت باسشىسى «سامۇرىق-قازىنا» قورىنىڭ اپپاراتى مەن مەملەكەتتٸك كومپانييالاردىڭ, سونىڭ ٸشٸندە «قازاقستان تەمٸر جولىنىڭ» جۇمىسى توقتامايتىنىن مەلٸمدەدٸ. ونىڭ ايتۋىنشا, مەملەكەتتٸك كومپانييالارعا قاراستى بارلىق مەكەمە قالىپتى رەجيمدە جۇمىس ٸستەپ جاتىر.
«جەمقورلىققا قارسى جٷرگٸزٸلٸپ جاتقان كٷرەس ينۆەستورلار مەن نەسيە بەرۋشٸلەردٸڭ اتالعان ينستيتۋتقا دەگەن سەنٸمٸن ارتتىرىپ, ولاردىڭ مەيلٸنشە تيٸمدٸ, اشىق جەنە جەمٸستٸ جۇمىس ٸستەۋٸنە مٷمكٸندٸك بەرەدٸ دەپ سانايمىن», - دەدٸ پرەزيدەنت.
توقاەۆ باس پروكۋراتۋرانىڭ جالپى سوماسى 1,3 تريلليون تەڭگەدەن اساتىن زاڭسىز يەمدەنٸلگەن اكتيۆتەردٸ قايتارعانىن دا اتاپ ٶتتٸ. بۇل قاراجات 466 ەلەۋمەتتٸك جەنە ينفراقۇرىلىمدىق نىساننىڭ قۇرىلىسىنا باعىتتالعان. قازٸرگٸ ۋاقىتتا ولاردىڭ 383-ٸ, سونىڭ ٸشٸندە مەديتسينالىق مەكەمەلەر, سۋمەن جابدىقتاۋ جەلٸلەرٸ, مەكتەپتەر مەن سپورت كەشەندەرٸ سالىنىپ بٸتكەن.
پرەزيدەنت قۇرىلىس نىساندارىنىڭ ساپاسىنا دا نازار اۋداردى. ونىڭ سٶزٸنشە, كەيبٸر نىسانداردىڭ, سونىڭ ٸشٸندە جولداردىڭ ساپاسى تالاپقا ساي بولمايتىن جاعدايلار جيٸ كەزدەسەدٸ. سوندىقتان قايتارىلعان قاراجات ەسەبٸنەن سالىنعان نىسانداردىڭ ساپاسىن تەكسەرۋگە نەگٸز بار.
«دەگەنمەن وسى وقيعانىڭ ٶزٸ جەمقورلىققا قاتىستى قۇقىق بۇزۋشىلىقتار مەملەكەتتٸك كومپانييالاردىڭ ەڭ وسال تۇسى, ياعني باستى دەرتٸ ەكەنٸن ايقىن كٶرسەتٸپ وتىر», - دەدٸ قاسىم-جومارت توقاەۆ.
«جەمقورلار - بٸزدٸڭ قاس جاۋىمىز»
مەملەكەت باسشىسى ەلدٸڭ جاڭا تاريحي كەزەڭگە قادام باسقانىن ايتىپ, بۇرىنعى جەتٸستٸكتەرگە توقمەيٸلسۋگە جەنە جۇمىستا سەلقوستىق تانىتۋعا بولمايتىنىن ەسكەرتتٸ.
«ال سىبايلاس جەمقورلىققا باتقان نيەتٸ تەرٸس كٸسٸلەر - بٸزدٸڭ قاس جاۋىمىز. ولار قازٸردٸڭ ٶزٸندە «حالىقتىق قۇرىلىس» باعدارلاماسىن ٸسكە اسىرۋعا كەدەرگٸ كەلتٸرٸپ, زييان تيگٸزۋدٸ ويلاپ جٷر. بٸز بۇعان, ەلبەتتە, ەشقاشان جول بەرمەيمٸز», - دەدٸ پرەزيدەنت.
توقاەۆ بارلىق ەلەۋمەتتٸك ينفراقۇرىلىم نىساندارى, سونىڭ ٸشٸندە جولدار, ەۋەجايلار, ەمحانالار, وڭالتۋ ورتالىقتارى, شىعارماشىلىق ٷيلەرٸ, مەكتەپتەر مەن سپورت كەشەندەرٸ ساپالى سالىنۋى كەرەكتٸگٸن ايتتى. ونىڭ سٶزٸنشە, بۇل - مٷلتٸكسٸز ورىندالۋعا تيٸس تالاپ.
مەملەكەت قارجىسىنىڭ تيٸمدٸ جۇمسالۋىن ارنايى مەملەكەتتٸك كوميسسييا قاداعالايدى. پرەزيدەنت كوميسسييا قۇرامىنىڭ كەلەسٸ اپتانىڭ باسىندا جارييالاناتىنىن جەتكٸزدٸ. بۇل جۇمىستىڭ تٷپكٸ ماقساتى - حالىقتىڭ ەل-اۋقاتىن ارتتىرىپ, ازاماتتاردىڭ تۇرمىس ساپاسىن جاقسارتۋ.
«وسى ٸستە كونستيتۋتسييامىزدا بەكٸتٸلگەن زاڭ, ەدٸلەتتٸلٸك جەنە تەرتٸپ قاعيداتتارى اينىماس تەمٸرقازىعىمىز بولادى. ەرينە, بۇل جول وڭاي بولمايدى. تٸپتٸ تٷرلٸ قيىندىقتار دا كەزدەسەتٸنٸ انىق. حالقىمىز «جول مۇراتى - جەتۋ» دەپ بەكەر ايتپاعان. سوندىقتان تاباندىلىق تانىتىپ, العا قويعان ماقساتتارىمىزعا مٸندەتتٸ تٷردە قول جەتكٸزەمٸز», - دەپ تٷيٸندەدٸ سٶزٸن مەملەكەت باسشىسى.
