Qazaqstanda B2B operatsiialary boiynsha salyqtyq shegerimdi qaita engizý salyq reformasynyń sátsiz bolǵanyn moiyndaýmen teń. Mundai pikirdi salyq konsýltanty ári kásipker Dmitrii Kazantsev bildirdi, dep habarlaidy dalanews.kz ism.kz-ke silteme jasap.
Sarapshynyń aitýynsha, biznes ókilderi jańa normanyń saldary qandai bolatynyn Salyq kodeksi ázirlenip jatqan kezde-aq eskertken. Alaida kásipkerlerdiń usynystary estilgen joq.
"Qazir B2B shegerimin qaitarý – reformanyń sátsiz bolǵanyn moiyndaý degen sóz. Bul ózgeristi ázirlep, ony tabandy túrde qorǵaǵan adamdar qyzmetinen ketýi kerek. Óitkeni úsh jyl boiy kásipkerlerdiń pikirine qulaq aspai, aqyr sońynda biznes usynǵan sheshimge qaita oralýdy basqasha túsindirý qiyn", – dedi Dmitrii Kazantsev.
Onyń sózinshe, reforma ázirlengen kezeńde kásipkerler yqtimal táýekelderdi naqty derektermen kórsetip, ózge elderdiń tájiribesin de usynǵan.
"Bul másele Salyq kodeksi ázirlenip jatqan kezde-aq kóterildi. Biznes ókilderi esep-qisapty da, halyqaralyq tájiribeni de kórsetti. Bilik kásipkerlerdi tyńdap otyrǵandai kórindi, biraq is júzinde olardyń ýájin estimedi", – deidi sarapshy.
Kazantsev qazir B2B shegerimin qaita qaraýǵa úmit paida bolǵanyn atap ótti. Alaida mundai sheshim qabyldansa, reformany ázirleýge jáne qorǵaýǵa jaýapty laýazymdy tulǵalarǵa qatysty suraq týyndaitynyn jetkizdi.
"Búgin B2B shegerimin qaitarýǵa qatysty belgili bir úmit bar ekenin estip otyrmyz. Barlyǵy oń sheshim bolady dep kútedi. Biraq ol qaitarylsa, jaýapty adamdarǵa qatysty kadrlyq sheshimder qabyldanýy múmkin", – dedi Dmitrii Kazantsev.
