قازاقستاندا B2B وپەراتسييالارى بويىنشا سالىقتىق شەگەرٸمدٸ قايتا ەنگٸزۋ سالىق رەفورماسىنىڭ سەتسٸز بولعانىن مويىنداۋمەن تەڭ. مۇنداي پٸكٸردٸ سالىق كونسۋلتانتى ەرٸ كەسٸپكەر دميتريي كازانتسەۆ بٸلدٸردٸ, دەپ حابارلايدى dalanews.kz ism.kz-كە سٸلتەمە جاساپ.
ساراپشىنىڭ ايتۋىنشا, بيزنەس ٶكٸلدەرٸ جاڭا نورمانىڭ سالدارى قانداي بولاتىنىن سالىق كودەكسٸ ەزٸرلەنٸپ جاتقان كەزدە-اق ەسكەرتكەن. الايدا كەسٸپكەرلەردٸڭ ۇسىنىستارى ەستٸلگەن جوق.
"قازٸر B2B شەگەرٸمٸن قايتارۋ – رەفورمانىڭ سەتسٸز بولعانىن مويىنداۋ دەگەن سٶز. بۇل ٶزگەرٸستٸ ەزٸرلەپ, ونى تاباندى تٷردە قورعاعان ادامدار قىزمەتٸنەن كەتۋٸ كەرەك. ٶيتكەنٸ ٷش جىل بويى كەسٸپكەرلەردٸڭ پٸكٸرٸنە قۇلاق اسپاي, اقىر سوڭىندا بيزنەس ۇسىنعان شەشٸمگە قايتا ورالۋدى باسقاشا تٷسٸندٸرۋ قيىن", – دەدٸ دميتريي كازانتسەۆ.
ونىڭ سٶزٸنشە, رەفورما ەزٸرلەنگەن كەزەڭدە كەسٸپكەرلەر ىقتيمال تەۋەكەلدەردٸ ناقتى دەرەكتەرمەن كٶرسەتٸپ, ٶزگە ەلدەردٸڭ تەجٸريبەسٸن دە ۇسىنعان.
"بۇل مەسەلە سالىق كودەكسٸ ەزٸرلەنٸپ جاتقان كەزدە-اق كٶتەرٸلدٸ. بيزنەس ٶكٸلدەرٸ ەسەپ-قيساپتى دا, حالىقارالىق تەجٸريبەنٸ دە كٶرسەتتٸ. بيلٸك كەسٸپكەرلەردٸ تىڭداپ وتىرعانداي كٶرٸندٸ, بٸراق ٸس جٷزٸندە ولاردىڭ ۋەجٸن ەستٸمەدٸ", – دەيدٸ ساراپشى.
كازانتسەۆ قازٸر B2B شەگەرٸمٸن قايتا قاراۋعا ٷمٸت پايدا بولعانىن اتاپ ٶتتٸ. الايدا مۇنداي شەشٸم قابىلدانسا, رەفورمانى ەزٸرلەۋگە جەنە قورعاۋعا جاۋاپتى لاۋازىمدى تۇلعالارعا قاتىستى سۇراق تۋىندايتىنىن جەتكٸزدٸ.
"بٷگٸن B2B شەگەرٸمٸن قايتارۋعا قاتىستى بەلگٸلٸ بٸر ٷمٸت بار ەكەنٸن ەستٸپ وتىرمىز. بارلىعى وڭ شەشٸم بولادى دەپ كٷتەدٸ. بٸراق ول قايتارىلسا, جاۋاپتى ادامدارعا قاتىستى كادرلىق شەشٸمدەر قابىلدانۋى مٷمكٸن", – دەدٸ دميتريي كازانتسەۆ.
