قازاقستانداعى شاعىن جەنە ورتا كەسٸپ يەلەرٸنٸڭ بٸر بٶلٸگٸ 2027 جىلدىڭ كٶكتەمٸندە جۇمىسىن توقتاتۋى مٷمكٸن. سالىق كونسۋلتانتى ەرٸ كەسٸپكەر دميتريي كازانتسەۆ مۇنى جاڭا سالىق كودەكسٸنەن كەيٸن بيزنەسكە تٷسەتٸن سالماقتىڭ ارتۋىمەن بايلانىستىرادى, دەپ حابارلايدى dalanews.kz ulysmedia.kz-كە سٸلتەمە جاساپ.
ساراپشىنىڭ ايتۋىنشا, جالپىعا بٸردەي بەلگٸلەنگەن سالىق رەجيمٸندەگٸ كەسٸپكەرلەر 2026 جىلدىڭ قورىتىندىسى بويىنشا سالىقتى 2027 جىلدىڭ ناۋرىز-سەۋٸر ايلارىندا تٶلەيدٸ. سول كەزدە بٸرقاتار كومپانييانىڭ قارجىلاي جاعدايى قيىنداپ, قىزمەتٸن جالعاستىرۋعا مٷمكٸندٸگٸ قالماۋى مٷمكٸن.
"قازٸر بيزنەستٸڭ, ەسٸرەسە شاعىن كەسٸپ يەلەرٸنٸڭ جاعدايى كٷردەلٸ. جۇمىسىن جالعاستىرىپ وتىرعانداردىڭ ٶزٸ تابىسىنىڭ ەدەۋٸر بٶلٸگٸن جوعالتتى", – دەيدٸ دميتريي كازانتسەۆ.
ونىڭ سٶزٸنشە, جاڭا سالىق كودەكسٸندەگٸ ٶزگەرٸستەر كەسٸپكەرلەردٸڭ شىعىنىن ارتتىرىپ, تاۋار مەن قىزمەت باعاسىنا تٸكەلەي ەسەر ەتكەن. بۇعان دەيٸن جەڭٸلدەتٸلگەن رەجيممەن 3 پايىز سالىق تٶلەگەن كەيبٸر كەسٸپ يەلەرٸ ەندٸ باسقا رەجيمگە اۋىسۋعا مەجبٷر.
"بۇرىن كەسٸپكەر 3 پايىز تٶلەيتٸن. قازٸر جەكە كەسٸپكەر ٷشٸن سالىق 10 پايىزعا, ال جاۋاپكەرشٸلٸگٸ شەكتەۋلٸ سەرٸكتەستٸك ٷشٸن 20 پايىزعا دەيٸن جەتەدٸ. اينالىمى 40 ملن تەڭگەدەن اسسا, وعان 16 پايىزدىق قوسىلعان قۇن سالىعى قوسىلادى. نەتيجەسٸندە سالىق جٷكتەمەسٸ 26–36 پايىزعا دەيٸن ٶسۋٸ مٷمكٸن", – دەپ تٷسٸندٸردٸ ول.
كازانتسەۆتٸڭ نەگٸزگٸ كەسٸبٸ كونسالتينگ پەن جارناما سالاسىنا بايلانىستى. ونىڭ ايتۋىنشا, سالىق كٶلەمٸ ارتقانىمەن, قىزمەت باعاسىن بٸردەن كٶتەرۋ مٷمكٸن بولماعان.
"باعانى 26 پايىزعا ٶسٸرە المادىم. ٶيتكەنٸ مەنٸمەن ۇزاق جىلدان بەرٸ جۇمىس ٸستەيتٸن كليەنتتەر بار. ولارعا بٸر كٷندە جاڭا تالاپ قويا المايمىن. سونىڭ سالدارىنان تابىسىم ازايدى. ساتىلىمنان پايىز الاتىن مەنەدجەرلەرٸمنٸڭ دە كٸرٸسٸ تٶمەندەدٸ. ولار بۇرىنعىداي تاۋار ساتىپ الا المايدى. مۇنداي جاعداي قازٸر بيزنەستٸڭ بارلىق سالاسىندا بايقالادى", – دەدٸ ساراپشى.
جاڭا تالاپتاردىڭ بٸرٸ جالپىعا بٸردەي بەلگٸلەنگەن رەجيمدەگٸ كومپانييالاردىڭ جەڭٸلدەتٸلگەن دەكلاراتسييامەن جۇمىس ٸستەيتٸن كەسٸپكەرلەردەن تاۋار نەمەسە قىزمەت ساتىپ الۋعا جۇمساعان قاراجاتىن سالىقتىق شەگەرٸمگە جاتقىزۋىنا شەكتەۋ قويدى. سونىڭ سالدارىنان ٸرٸ كومپانييالار جەڭٸلدەتٸلگەن رەجيمدەگٸ شاعىن كەسٸپ يەلەرٸمەن ەرٸپتەستٸكتٸ ازايتا باستاعان.
ساراپشى جىل باسىنان بەرٸ جابىلعان 350 مىڭنان استام كەسٸپتٸڭ بارلىعىن «جۇمىس ٸستەمەگەن كومپانييالار» دەپ باعالاۋمەن كەلٸسپەيدٸ.
"مەن تەك ساراپشى ەمەس, كەسٸپكەرمٸن. بيىل رەنتابەلدٸلٸگٸن جوعالتقان ٷش بيزنەسٸمدٸ جابۋعا تۋرا كەلدٸ. مۇنداي جاعدايعا تاپ بولعاندار از ەمەس. مەسەلە كەسٸپورىنداردىڭ جابىلۋىندا عانا ەمەس, جۇمىس ٸستەپ تۇرعان بيزنەستٸڭ دە تابىس ەكەلمەۋٸندە", – دەدٸ دميتريي كازانتسەۆ.
