Tailandtaǵy tanymal kýrortta joiqyn órt shyqty

Tailandtaǵy tanymal kýrortta joiqyn órt shyqty
Videodan kadr: x.com/@AsiaNews_FR

Tailandtyń Phýket aralyndaǵy tanymal týristik aýdanda iri órt boldy. Aldyn ala málimet boiynsha, qaiǵyly oqiǵa saldarynan 11 adam qaza taýyp, 30-dan astam adam tútinge ýlanǵan, dep habarlaidy dalanews.kz.

Oqiǵa 16 qarashada Phýket aralynyń Katý okrýgine qarasty Patong aýdanynda tirkelgen. Jergilikti buqaralyq aqparat quraldarynyń habarlaýynsha, týrister kóp shoǵyrlanatyn aýdandaǵy kommertsiialyq ǵimarattardyń birinen órt shyqqan. Jalyn qysqa ýaqyt ishinde kúsheiip, kórshiles qurylystarǵa taralǵan. Sonyń saldarynan birneshe bólme otqa oranyp, ǵimarattarǵa aitarlyqtai zaqym kelgen.

Oqiǵa ornyna órt sóndirý bólimsheleri, politsiia qyzmetkerleri, qutqarýshylar men jergilikti bilik ókilderi jumyldyrylǵan. Thai PBS telearnasyna silteme jasaǵan «Izvestiia» basylymynyń málimetinshe, órt saldarynan kóptegen adam zardap shekken.

"Resmi emes habarlamalarǵa sáikes, oqiǵa saldarynan 11 adam qaza taýyp, 30-dan astamy tútinge ýlandy",– delingen habarlamada.

Qutqarýshylar órtti sóndirýmen qatar, ǵimarat ishinde qalǵan adamdardy syrtqa shyǵarý jumystaryn júrgizgen. Oqiǵa ornyna Phýket provintsiiasynyń gýbernatory da barǵan. Ol qutqarý qyzmetteriniń jumysymen tanysyp, jaǵdaidy baqylaýǵa alǵan.

Órtti aýyzdyqtaýǵa Patong politsiiasynyń qyzmetkerleri, mýnitsipaldyq órt sóndirýshiler jáne jergilikti qutqarý jasaqtary qatysqan. Jalyn sóndirilgennen keiin mamandar ǵimarattyń ishin tekserýge kiristi. Qutqarýshylar úi-jailarda adamdardyń qalyp qoimaǵanyn anyqtap, órtten kelgen materialdyq shyǵyndy baǵalap jatyr.