Maqtaýly Stadler vagondary 1 aptaǵa jetpei isten shyqty

Maqtaýly Stadler vagondary 1 aptaǵa jetpei isten shyqty
gov.kz

Jańa Stadler vagonyndaǵy dárethana ýaqytsha istemei qalǵan. Jolaýshynyń aitýynsha, buǵan júie bitelýi sebep bolǵan. “Jolaýshylar tasymaly” kompaniiasy jaǵdaiǵa qatysty túsinikteme berdi, dep habarlaidy dalanews.kz.

Poiyz ishindegi kadrlar Threads jelisinde jariialandy. Video avtory dárethana bitelýine jolaýshylar kináli ekenin aitty.

“Jolaýshylar tasymaly” AQ bul jaǵdaiǵa nazar aýdardy. 

“Vagondaǵy dárethana ýaqytsha jumys istemedi. Tekseris barysynda aqaýǵa sanitarlyq-tehnikalyq júiege qaǵaz mailyqtar túsýi sebep bolǵany anyqtaldy. Qazir mamandar aqaýdy joiý úshin jumys istep jatyr”, – dep habarlady kompaniia.

Dárethana qaǵazy, jeke gigiena quraldary jáne basqa da bógde zattar jabdyq isten shyǵýyna ákep soǵatyny aityldy.

Aita keteiik, bir apta buryn shveitsariialyq Stadler vagondary Astanadan Almatyǵa jolǵa shyqty.