Bolat Nazarbaevtyń zaýyty memleketke ótti

Bolat Nazarbaevtyń zaýyty memleketke ótti
ashyq derekkózden

Almaty oblysynyń Shamalǵan aýylyndaǵy sharap jáne araq ónimderin shyǵaratyn zaýyt memleketke óteýsiz berilip, satylymǵa shyǵaryldy. Buǵan deiin kásiporyn Bolat Nazarbaev qurǵan «BN ALKO» kompaniiasynyń mekenjaiy bolǵan, dep habarlaidy dalanews.kz.

Qaitarylǵan aktivterdi basqarý kompaniiasy zaýytty 8 jeltoqsanda aýktsion arqyly satýdy josparlap otyr. Bastapqy baǵasy – 739,9 mln teńge. QQS-ty qosqanda, satyp alýshy keminde 858 mln teńge tóleýi kerek.

Satylymǵa 2,36 gektar jer jáne jalpy aýmaǵy 7,2 myń sharshy metr bolatyn 15 ǵimarat qoiylǵan. Onyń ishinde óndiristik tseh, qoima, ákimshilik ǵimarat jáne basqa nysandar bar.

Zaýyt memleketke 2026 jylǵy 26 tamyzdaǵy kelisimshart negizinde óteýsiz berilgen. Menshik quqyǵy 11 qyrkúiekte tirkelgen.

Zaýyt buryn kimge tiesili bolǵan?

2009 jyly osy mekenjaida «BN ALKO» JShS tirkelgen. Kompaniia spirtti ishimdikterdi óndirýmen ainalysqan. 2009 jyldan 2016 jylǵa deiin onyń quryltaishysy Bolat Nazarbaev bolǵan.

2016 jyly Bolat Nazarbaev kompaniiadan ketken. Keiin kásiporynnyń salyq tólemderi kúrt azaiyp, 2018 jyldan bastap salyq tólemegen. 2017 jyly kompaniia QQS tóleýshiler esebinen shyǵarylyp, 2022 jyly taratylǵan.

2016 jyldyń jeltoqsanynda zaýyt basqa adamnyń menshigine ótken. Alaida memleketke berilgenge deiingi sońǵy iesi satylym qujattarynda kórsetilmegen.