Qazaqstan Respýblikasy Parlamenti Senatynyń burynǵy depýtaty Gennadii Shipovskih jańa qyzmetke kiristi. Ol eńbek jolyn jeke sektorda jalǵastyryp, Samruk Signal Systems kompaniiasynyń bas direktorynyń orynbasary atandy, dep habarlaidy dalanews.kz.
Bul týraly burynǵy senator áleýmettik jelidegi jeke paraqshasynda málimdedi. Gennadii Shipovskih endi Samruk Signal Systems kompaniiasynda strategiialyq damý jáne kommýnikatsiialar baǵytyna jaýap beretin bolady. Ol jańa qyzmetke taǵaiyndalýyn ómirindegi mańyzdy ózgeristerdiń biri retinde baǵalap, aldaǵy josparlaryn bólisti.
"Ómirimdegi jańa beles! Eńbek jolymnyń jańa kezeńin jeke sektorda jalǵastyryp jatyrmyn! Endi Samruk Signal Systems kompaniiasynda bas direktordyń strategiialyq damý jáne kommýnikatsiialar jónindegi orynbasary qyzmetin atqaramyn", – dep jazdy Gennadii Shipovskih.
Onyń aitýynsha, kompaniiadaǵy jumysyn bas direktor Ábilqaiyr Oljabaevtyń basshylyǵymen júzege asyrady. Eks-senator jańa qyzmeti kásibi turǵydan tyń múmkindikterge jol ashatynyna úmit bildirgen.
"Aldaǵy ýaqytta kompaniianyń bas direktory Ábilqaiyr Oljabaevtyń basshylyǵymen birge jumys isteitin bolamyz. Jańa orta, jańa múmkindikter, jańa maqsattar! Alla sátin salsyn!" – dep jazdy ol.