AQSh-tyń Qazaqstandaǵy elshisi Nurlan imamnyń úiinde qonaqta boldy

AQSh-tyń Qazaqstandaǵy elshisi Nurlan imamnyń úiinde qonaqta boldy
Foto: videodan skrin

AQSh-tyń Qazaqstandaǵy tótenshe jáne ókiletti elshisi Djýli Stafft belgili teolog Nurlan Baijigitulynyń shańyraǵynda qonaq boldy. Kezdesýden túsirilgen beinejazba áleýmettik jelide jariialandy, dep habarlaidy dalanews.kz.

Nurlan imam mártebeli meimanǵa qazaqtyń qonaq kútý dástúrine sai dastarqan jaiyp, elshimen erkin áńgimelesken. Júzdesý barysynda ulttyq qundylyqtar, rýhaniiat jáne eki halyq arasyndaǵy mádeni bailanys jóninde sóz bolǵan.

Beinejazbadan Djýli Staffttyń qazaqy dastarqannan dám tatyp, úi ielerine alǵys bildirgenin kórýge bolady. Óz kezeginde Nurlan Baijigituly mundai júzdesýler halyqtar arasyndaǵy ózara túsinistik pen syilastyqty nyǵaitatynyn atap ótti.

Aita keteiik, Djýli Stafft Qazaqstandaǵy diplomatiialyq qyzmeti barysynda qazaqtyń mádenieti men salt-dástúrine qyzyǵýshylyq tanytyp júr. Buǵan deiin ol otbasymen birge dombyra úirený sabaǵyna qatysyp, ulttyq aspapta oinap kórgen. Sondai-aq Astanadaǵy mektepterdiń birinde uiymdastyrylǵan tusaýkeser rásimine qatysyp, asyq atqan bolatyn.