Qazaqstan temir joly Quryq porty arqyly paromǵa tieletin eksporttyq júkterdi tasymaldaýǵa ýaqytsha shekteý engizdi. 19-30 qarasha aralyǵynda temirjol stantsiialaryna osy baǵyttaǵy júk vagondaryn qabyldaýǵa jáne basqa stantsiialarǵa baǵyttaýǵa tyiym salyndy, dep habarlaidy dalanews.kz.
Mundai sheshim paromǵa tielýin kútip turǵan vagondardyń shamadan tys jinalýyna bailanysty qabyldanǵan.
Qazir portta paromǵa tielý kezeginde 1,1 myńnan astam vagon tur. Onyń ishinde 266 vagon Mańǵystaý temirjol stantsiiasynda, al 356-dan astam vagon Quryq-Port jáne Paromaldy stantsiialarynda jinalyp qalǵan.
Aita keteiik, buǵan deiin QTJ Ózbekstan men Aýǵanstanǵa ózge elderdiń vagondarymen júk tasymaldaý talaptaryn qatańdatqan bolatyn. Jańa erejeler «Saryaǵash – Keles», «Oazis – Qaraqalpaqstan» jáne «Maqtaaral – Syrdariia» shekaralyq ótkelderi arqyly ótetin júk tasymalyna qatysty.