Qonaevta mektepte baspaldaqtan qulap ketken oqýshy qaitys boldy

Qonaevta mektepte baspaldaqtan qulap ketken oqýshy qaitys boldy
ru.freepik.com

Qonaev qalasyndaǵy mektepte qaiǵyly jaǵdai boldy. Bul týraly Almaty oblysy ákiminiń baspasóz hatshysy Dias Nuraqyn málmidedi, dep habarlaidy dalanews.kz.

Onyń sózinshe, 16 qarashada saǵat 13:18-de mekteptegi úzilis kezinde jazataiym oqiǵa bolǵan. Mektep ǵimaratynyń úshinshi qabatyndaǵy baspaldaqtyń jaqtaýymen tómen qarai syrǵanamaq bolǵan oqýshy qulap ketken. Saldarynan bas súiegine zaqym kelip, aýyr jaraqat alǵan.

"Oqiǵa ornyna dereý jedel meditsinalyq járdem shaqyryldy. Bala asa aýyr jaǵdaida aýrýhanaǵa jatqyzyldy. Dárigerler eki táýlik boiy 11 jastaǵy balanyń ómirin saqtap qalý úshin kúresti. Meditsinalyq kómek kórsetýge respýblikalyq, qalalyq jáne oblystyq deńgeidegi jetekshi balalar neirohirýrgteri jumyldyryldy. Alaida meditsina mamandarynyń barlyq kúsh-jigerine jáne júrgizilgen reanimatsiialyq sharalarǵa qaramastan, 18 qarasha kúni saǵat 10:00-de oqýshy qaitys boldy.

Bul qaza - onyń ata-anasy, týǵan-týystary, jaqyndary, synyptastary, muǵalimder men búkil mektep ujymy úshin orny tolmas aýyr oqiǵa. Oinap júrip, opat bolǵan balanyń otbasy men týystaryna qaiǵyra kóńil aitamyn!" - dedi ol.