Premer-ministr Oljas Bektenov "Samuryq-Qazyna" basshylyǵyna qatysty jaǵdaiǵa pikir bildirdi. Onyń aitýynsha, qordyń jańa basqarma tóraǵasy jaqyn arada taǵaiyndalady. Sonymen qatar, korporativtik basqarýdy kúsheitip, sybailas jemqorlyqtyń aldyn alý sharalary qolǵa alynady, dep habarlaidy dalanews.kz.
"Samuryq-Qazynada" qandai ózgeris bolady?
Bektenovtiń sózinshe, quqyq qorǵaý organdary keibir laýazymdy tulǵalarǵa qatysty tergeý júrgizip jatyr. Barlyq mán-jai tergeý barysynda anyqtalady. Jaǵdai Memleket basshysynyń baqylaýynda.
Premer-ministr qordyń damý strategiiasy ózgermeitinin, al onyń quramyndaǵy kompaniialar shtattyq rejimde jumysyn jalǵastyratynyn atap ótti. Investitsiialyq jáne infraqurylymdyq jobalar bekitilgen jospar boiynsha júzege asady. Sondai-aq, qordyń investorlar men kreditorlar aldyndaǵy mindettemeleri tolyq ári ýaqytynda oryndalady.
Buǵan deiin ne boldy?
Eske salaiyq, 18 qarashada "Samuryq-Qazyna" basqarma tóraǵasy Nurlan Jaqypov pen "Qazaqstan temir joly" basshysy Eljas Otynshiev sot sanktsiiasymen qamaýǵa alynǵany belgili boldy.
Ulttyq qaýipsizdik komiteti málimetinshe, olar 12 qarashada sybailas jemqorlyq qylmysyn jasady degen kúdikpen ustalyp, 14 qarashada qamaýǵa alynǵan. Qazir sotqa deiingi tergeý jalǵasyp jatyr.