30 jastaǵy almatylyq Lázzat Jarastyń otbasynda qýanysh úsh eselendi! 6 qarashada Almaty qalasyndaǵy №1 qalalyq perinataldyq ortalyqta ol úsh qyzdy dúniege ákeldi. Sábiler júktiliktiń 34-aptasynda, merziminen buryn, shuǵyl kesar tiligi arqyly dúniege keldi, dep habarlaidy dalanews.kz.
Kópuryqty júktilik pen meditsinalyq kórsetkishterdi eskere otyryp, dárigerler shuǵyl bosandyrý týraly sheshim qabyldaǵan. Ota sátti ótti. Nebári bir minýt aiyrmashylyqpen úsh sábi ómirge keldi:
- Saǵat 03:03-te - birinshi qyz, salmaǵy 2073 gramm.
- Saǵat 03:04-te - ekinshi qyz, salmaǵy 1723 gramm.
- Saǵat 03:05-te - úshinshi qyz, salmaǵy 2431 gramm.
Ata-anasy qyzdaryna Álsiia, Aiými jáne Aila degen esimder qoidy.
Merziminen buryn dúniege kelgendikten, sábilerge neonatolog dárigerlerdiń kómegi qajet boldy. Ómirleriniń alǵashqy kúnderin olar jańa týǵan nárestelerdiń reanimatsiia jáne qarqyndy terapiia bóliminde ótkizdi. 12 qarashadan bastap qyzdar jańa týǵan náresteler bólimine aýystyryldy.
Bul - 2026 jyldyń basynan beri Almaty qalasyndaǵy №1 qalalyq perinataldyq ortalyqta dúniege kelgen besinshi úshem.
Bul oqiǵanyń taǵy bir tańǵalarlyq tusy bar. Lázzat úshem kútip júrgenin qyzdary dúniege kelgenge deiin eshkimge aitpaǵan. Al úide ony taǵy úsh balasy - bir uly men eki qyzy kútip otyr.