QazUÝ-da stýdent qyz ózine dene jaraqatyn salǵan

QazUÝ-da stýdent qyz ózine dene jaraqatyn salǵan
Foto: Viktoriya Skorikova/Getty Images

Almatydaǵy ál-Farabi atyndaǵy Qazaq ulttyq ýniversitetinde stýdent qyzdyń ózine dene jaraqatyn salý deregi tirkeldi. Oqiǵany politsiia rastady, dep habarlaidy dalanews.kz.

Basylymnyń málimetinshe, oqiǵa ýniversitettiń mehanika-matematika fakýltetinde bolǵan. Aldyn ala aqparat boiynsha, stýdent qyz meditsinalyq kómek alý úshin №12 qalalyq klinikalyq aýrýhanaǵa jetkizilgen.

Atalǵan jaǵdaiǵa qatysty zańger Meiirman Shekeev áleýmettik jelidegi paraqshasynda jazba jariialap, ýniversitet basshylyǵy men Ǵylym jáne joǵary bilim ministrliginen túsinikteme berýdi surady. Zańger ózine stýdenttiń ómirine qol jumsaýǵa árekettengeni týraly aqparat jetkenin aitqan. Alaida ol bul málimettiń resmi túrde rastalmaǵanyn da atap ótti.

Sonymen qatar Meiirman Shekeev oqý ornyndaǵy stýdentterge arnalǵan sport nysandarynyń paidalanylýyna qatysty saýal kóterip, ýniversitet ákimshiligin ashyq aqparat berýge shaqyrdy.

Al Almaty qalalyq politsiia departamenti stýdenttiń ózine jeńil dene jaraqatyn salǵanyn rastady.

"Aldyn ala málimet boiynsha, oqý oryndarynyń birinde stýdenttiń ózine jeńil dene jaraqatyn salý deregi tirkeldi, oǵan meditsinalyq kómek kórsetildi", – delingen politsiia habarlamasynda.

Qazirgi ýaqytta oqiǵanyń mán-jaiyn anyqtaý úshin sotqa deiingi tergep-tekserý amaldary júrgizilip jatyr.

Ázirge stýdenttiń bul áreketke barýyna ne sebep bolǵany jóninde resmi aqparat jariialanǵan joq. Sondyqtan oqiǵanyń sebepteri týraly boljam jasaýǵa negiz joq.