Aqmola oblysy Astrahan aýdanynyń prokýratýrasy 1,6 mlrd teńge kóleminde biýdjet qarajaty negizsiz jumsalýyna jol bermedi, dep habarlaidy dalanews.kz.
Aýdan prokýratýrasy avtomobil joldaryn jóndeý jumystaryn memlekettik satyp alýdy josparlaý kezinde memlekettik satyp alý salasyndaǵy zańnama talaptary buzylǵanyn anyqtady.
Iri kólemdegi somaǵa jumystardy satyp alý jobalyq-smetalyq qujattamasyz, memlekettik saraptamanyń oń qorytyndysyz, sondai-aq, jumystardyń boljamdy qunyna tiisti ekonomikalyq negizdeme jasalmai josparlanǵan.
Prokýrorlyq qadaǵalaý aktileri boiynsha 1,6 mlrd teńge somasyndaǵy memlekettik satyp alý rásimi toqtatyldy.
Aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń basshysy tártiptik jaýapkershilikke tartyldy.