قازاقستاندا باۋىر وبىرىن ەرتە انىقتاۋ جەنە دياگنوستيكالاۋ ساپاسىن ارتتىرۋعا باعىتتالعان جوبا ٸسكە قوسىلدى. باستاما اياسىندا ەلٸمٸزدٸڭ تٶرت قالاسىنداعى مەديتسينالىق ۇيىمدار زاماناۋي ۋلترادىبىستىق اپپاراتتارمەن جابدىقتالىپ, 200-دەن استام مامانعا ارنايى وقىتۋ جٷرگٸزٸلدٸ, دەپ حابارلايدى dalanews.kz.
جوبا پاۆلودار, الماتى, استانا جەنە ٶسكەمەن قالالارىن قامتيدى. مەديتسينالىق جابدىقتار باۋىر تٸنٸنٸڭ جاعدايىن باعالاۋعا, ونداعى كٷدٸكتٸ ٶزگەرٸستەردٸ انىقتاۋعا جەنە زەرتتەۋ نەتيجەلەرٸن حالىقارالىق LI-RADS حاتتاماسى بويىنشا ستاندارتتاۋعا مٷمكٸندٸك بەرەدٸ.
مامانداردىڭ ايتۋىنشا, باۋىر وبىرىن ەمدەۋدەگٸ نەگٸزگٸ مەسەلەلەردٸڭ بٸرٸ – اۋرۋدىڭ كٶبٸنە كەش ساتىسىندا انىقتالۋى. باستاپقى كەزەڭدەردە ايقىن بەلگٸلەر بايقالماۋى مٷمكٸن. سونىڭ سالدارىنان ناۋقاستاردىڭ بٸر بٶلٸگٸ دەرٸگەرگە ٸسٸك اسقىنعان كەزدە عانا جٷگٸنەدٸ.
س. د. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ گاستروەنتەرولوگييا كافەدراسىنىڭ مەڭگەرۋشٸسٸ, باۋىردى زەرتتەۋ جٶنٸندەگٸ قازاقستاندىق قاۋىمداستىقتىڭ تٶراعاسى, پروفەسسور الەكساندر نەرسەسوۆتٸڭ ايتۋىنشا, قازاقستاندا گەپاتوتسەلليۋليارلىق كارتسينوما (گتسك) ونكولوگييالىق اۋرۋلار اراسىندا تارالۋ كٶرسەتكٸشٸ بويىنشا توعىزىنشى ورىندا تۇر. الايدا بۇل دەرەك اۋرۋدىڭ ٶزەكتٸلٸگٸن تٶمەندەتپەيدٸ.
مامان باۋىر فيبروزى بار پاتسيەنتتەردٸ تۇراقتى باقىلاۋدىڭ ماڭىزىن اتاپ ٶتتٸ. ونىڭ پٸكٸرٸنشە, مۇنداي ناۋقاستاردا قاتەرلٸ ٸسٸكتٸڭ دامۋ قاۋپٸن ەسكەرٸپ, جٷيەلٸ تەكسەرۋ جٷرگٸزۋ قاجەت. بۇل اۋرۋدى ەرتە كەزەڭدە انىقتاۋ مٷمكٸندٸگٸن ارتتىرادى.
جوبانىڭ پيلوتتىق كەزەڭٸ الماتىدا 2026 جىلعى ماۋسىم-قازان ايلارى ارالىعىندا جٷرگٸزٸلگەن. «سىزعانوۆ اتىنداعى ۇلتتىق عىلىمي حيرۋرگييا ورتالىعى» اق سەۋلەلٸك دياگنوستيكا دەرٸگەرٸ ايگٷل ولجاباەۆانىڭ مەلٸمەتٸنشە, وسى كەزەڭدە تەكسەرٸلگەن 100 پاتسيەنتتٸڭ 25-ٸندە باۋىر تٸنٸندەگٸ كٷدٸكتٸ ٶزگەرٸستەر بايقالعان. ودان كەيٸن پاتسيەنتتەر قوسىمشا تەكسەرۋگە جٸبەرٸلٸپ, كەيبٸرٸندە گەپاتوتسەلليۋليارلىق كارتسينوما دياگنوزى راستالعان.
مامانداردىڭ ايتۋىنشا, جاڭا دياگنوستيكالىق مٷمكٸندٸكتەر كٷدٸكتٸ ٶزگەرٸستەردٸ ەرتەرەك انىقتاپ, ناۋقاستاردى قوسىمشا زەرتتەۋگە ۋاقىتىلى جٸبەرۋگە كٶمەكتەسەدٸ. ال بۇل ەمدەۋ تاكتيكاسىن دەر كەزٸندە تاڭداۋعا ىقپال ەتۋٸ مٷمكٸن.
جوبا AstraZeneca كومپانيياسىنىڭ General Electric-پەن ىنتىماقتاستىعى اياسىندا جٷزەگە اسىرىلىپ جاتىر. باستامانىڭ نەگٸزگٸ باعىتى – مەديتسينالىق ۇيىمداردى قاجەتتٸ تەحنولوگييالارمەن قامتاماسىز ەتۋ, دياگنوستيكالىق زەرتتەۋلەردٸڭ بٸرىڭعاي ستاندارتتارىن ەنگٸزۋ جەنە دەرٸگەرلەردٸڭ كەسٸبي بٸلٸكتٸلٸگٸن ارتتىرۋ.
ماماندار باۋىر اۋرۋلارى بار ادامدار ٷشٸن تۇراقتى مەديتسينالىق باقىلاۋدىڭ ماڭىزىن ەسكە سالادى. ەسٸرەسە باۋىر فيبروزى مەن باسقا دا سوزىلمالى باۋىر اۋرۋلارى بار پاتسيەنتتەر دەرٸگەر ۇسىنعان تەكسەرۋ كەستەسٸن ساقتاۋى قاجەت.