قازاقستاندىق بلوگەر قۋاندىق ماعزاموۆ پەتەر, اۆتوكٶلٸك, تۇرمىستىق تەحنيكا جەنە باسقا دا تاۋارلاردى قاي ۋاقىتتا تيٸمدٸ باعاعا ساتىپ الۋعا بولاتىنىن ايتتى. ول ەلەۋمەتتٸك جەلٸدەگٸ پاراقشاسىندا ەر تاۋارعا سۇرانىس تٶمەندەيتٸن كەزەڭدەردٸ اتاپ, ساتىپ الۋدى الدىن الا جوسپارلاۋعا كەڭەس بەردٸ, دەپ حابارلايدى dalanews.kz.
بلوگەردٸڭ ايتۋىنشا, پەتەر ساتىپ الۋعا قاڭتار ايى قولايلى. بۇل كەزەڭدە جىلجىمايتىن مٷلٸككە سۇرانىس تٶمەندەپ, ساتۋشىلار باعانى تٷسٸرۋگە بەيٸم بولادى. قۇرىلىس كومپانييالارى دا تٷرلٸ جەڭٸلدٸك پەن اكتسييا ۇسىنۋى مٷمكٸن.
"پەتەردٸ قاڭتاردا ساتىپ العان تيٸمدٸ. سۇرانىس تٶمەن بولعاندىقتان, ساتۋشىلار جەڭٸلدٸك جاساۋعا ىقىلاستى بولادى, ال قۇرىلىس كومپانييالارى تٷرلٸ اكتسييا ۇيىمداستىرادى", – دەدٸ قۋاندىق ماعزاموۆ.
ال اۆتوكٶلٸك ساتىپ الۋدى ايدىڭ سوڭعى كٷندەرٸنە جوسپارلاعان جٶن. ونىڭ سٶزٸنشە, وسى ۋاقىتتا اۆتوسالون مەنەدجەرلەرٸ ايلىق ساتۋ جوسپارىن ورىنداۋعا تىرىساتىندىقتان, كليەنتتٸڭ قوسىمشا جەڭٸلدٸك الۋ مٷمكٸندٸگٸ ارتادى.
ەۋە بيلەتتەرٸنە قاتىستى بلوگەر ولاردى تٷنگٸ ۋاقىتتا قاراستىرۋعا كەڭەس بەردٸ. ول بۇل مەزگٸلدە ٸزدەۋ سۇرانىسى ازايىپ, باعا تٶمەندەۋٸ مٷمكٸن ەكەنٸن ايتتى. دەگەنمەن سەيسەنبٸدەن سەرسەنبٸگە قاراعان تٷنٸ بيلەت ارزاندايدى دەگەن پٸكٸردٸڭ ناقتى راستالماعانىن ەسكەرتتٸ.
"كەيبٸرەۋلەر بيلەتتٸ سەيسەنبٸدەن سەرسەنبٸگە قاراعان تٷنٸ ساتىپ العان تيٸمدٸ دەيدٸ. بٸراق بۇل – راستالماعان اقپارات", – دەدٸ ول.
ماعزاموۆ ماۋسىمدىق تاۋارلاردى سۇرانىس ازايعان كەزدە العان تيٸمدٸ ەكەنٸن دە اتاپ ٶتتٸ. ونىڭ كەڭەسٸنە سەيكەس, موتوتسيكلدٸ جەلتوقساندا, كونديتسيونەردٸ قازان نەمەسە قاراشا ايلارىندا, ال ۆەلوسيپەدتٸ قىستا ساتىپ الۋعا بولادى. بۇل كەزەڭدەردە تاۋاردىڭ ٶزٸنە عانا ەمەس, كونديتسيونەر ورناتۋ قىزمەتٸنە دە باعا تٶمەندەۋٸ مٷمكٸن.
سونداي-اق مەكتەپكە قاجەتتٸ قۇرال-جابدىقتاردى قاراشادا العان جٶن. سەبەبٸ وقۋ جىلى باستالعاننان كەيٸن سۇرانىس ازايىپ, دٷكەندەر قالعان تاۋارلارىن جەڭٸلدٸكپەن ساتادى.
بلوگەر سمارتفون مەن نوۋتبۋك ساتىپ الۋدىڭ دا قولايلى ۋاقىتىن اتادى. ونىڭ پٸكٸرٸنشە, iPhone-نىڭ بۇرىنعى ٷلگٸلەرٸ جاڭا مودەلدەر تانىستىرىلاتىن قىركٷيەكتەن كەيٸن, ياعني قازان ايىندا ارزاندايدى. ال نوۋتبۋك الۋعا اقپان ايى تيٸمدٸ بولۋى مٷمكٸن.
"اقپاندا جاڭاجىلدىق سۇرانىس بەسەڭدەيدٸ, ال نارىق كٶكتەمدە شىعاتىن جاڭا مودەلدەرگە دايىندالا باستايدى", – دەپ تٷسٸندٸردٸ قۋاندىق ماعزاموۆ.