Qazaqstan ýniversitetterinde psihologiialyq qyzmetter qalai jumys isteidi?

Qazaqstan ýniversitetterinde psihologiialyq qyzmetter qalai jumys isteidi?
JI: Dalanews.kz

Qazaqstanda keiingi tórt jylda joǵary oqý oryndarynyń stýdentteri arasynda 34 sýitsid deregi tirkelgen. Onyń altaýy 2026 jyldyń basynan beri bolǵan. Bul týraly Ǵylym jáne joǵary bilim ministrligi málimdedi, dep habarlaidy dalanews.kz.

Ministrliktiń málimetinshe, stýdentter arasyndaǵy sýitsid derekteriniń sany jyl saiyn ózgerip otyrǵan. Atap aitqanda, 2023 jyly – 3, 2024 jyly – 7, 2025 jyly 18 jaǵdai tirkelgen. Al 2026 jyly 6 derek anyqtalǵan.

Biyl tirkelgen jaǵdailar myna joǵary oqý oryndarynda bolǵan:

Qazaq ulttyq qyzdar pedagogikalyq ýniversiteti – 1;

Abai atyndaǵy Qazaq ulttyq pedagogikalyq ýniversiteti – 1;

M.H. Dýlati atyndaǵy Taraz ýniversiteti – 1;

Halyqaralyq aqparattyq tehnologiialar ýniversiteti – 1;

Sh. Murtaza atyndaǵy Halyqaralyq Taraz ýniversiteti – 1;

Ál-Farabi atyndaǵy Qazaq ulttyq ýniversiteti – 1.

Ministrlik qazir joǵary oqý oryndarynda stýdentterdiń psihologiialyq jaǵdaiyn erte anyqtaý, olarǵa qoldaý kórsetý jáne psihikalyq saýlyǵyn nyǵaitý baǵytynda birqatar shara júzege asyrylyp jatqanyn habarlady.

Atap aitqanda, joǵary oqý oryndarynyń qyzmetine qatysty úlgilik qaǵidalarǵa stýdentterdi oqý, ǵylymi-zertteý jáne áleýmettik baǵyttar boiynsha keshendi baǵalaý normasy engizilgen. Bul rette integraldy áleýmettik GPA kórsetkishin esepteý qarastyrylǵan.

Sonymen qatar ministrlik 2026 jylǵy 28 tamyzdaǵy buiryqpen joǵary oqý oryndarynda stýdentterdi áleýmettendirý jáne tárbieleý jumysyn júieli uiymdastyrý jónindegi ádistemelik usynymdardyń jańa redaktsiiasyn ázirlegen. Qujatta memlekettik saiasat pen qoǵamdyq kún tártibindegi ózekti baǵyttar qamtylǵan.

Vedomstvonyń málimetinshe, elimizdegi barlyq joǵary oqý ornynda psihologiialyq qyzmet jumys isteidi. Bul baǵytta 277 psiholog eńbek etedi. Psihologiialyq qyzmet mamandary men áleýmettik-tárbie jumysyna jaýapty prorektorlar úshin otandyq jáne sheteldik sarapshylardyń qatysýymen seminarlar men kýrstar uiymdastyrylady.