Ulttyq bank nesie júktemesine qoiylatyn talaptardy jeńildetedi

Ulttyq bank nesie júktemesine qoiylatyn talaptardy jeńildetedi
Foto: JI

Ulttyq bank qaryz alýshylardyń boryshtyq júktemesin esepteýge qatysty talaptardy jeńildetpek, dep habarlaidy dalanews.kz.

Jańa tártipke sáikes, bank klienttiń qoldanystaǵy nesiesin ózi qaita qarjylandyrǵan kezde ai saiynǵy tólem mólsheri óspese, borysh júktemesi koeffitsientiniń shekti deńgeiin qaita teksermeýge ruqsat beriledi.

Sonymen qatar avtonesie rásimdeý kezinde borysh júktemesi koeffitsientin qoldaný talaby bir jylǵa keiinge shegeriledi. Al turǵyn úi qurylys jinaq júiesi arqyly beriletin ipotekalyq nesieler úshin bul merzim úsh jylǵa uzartylmaq.

Ipoteka boiynsha borysh júktemesin esepteý kezinde ortaq qaryz alýshylardyń tabysy men nesielik mindettemeleri de eskeriledi. Buǵan qosa, eger azamatqa beriletin turǵyn úi tólemderi qaryzyn óteýge jumsalsa, ol da kiris esebine engiziledi.