Abai ýniversitetinde halyqaralyq montessori sammiti ótti

Abai ýniversitetinde halyqaralyq montessori sammiti ótti

Abai ýniversitetinde ótken «Montessori – adam damýy jáne ózgermeli álem konteksindegi tásil» atty halyqaralyq sammitipedagogika salasyndaǵy bedeldi degen ǵalymdar men sarapshylardy, Montessori ádistemesin qoldanatyn mamandardy jáne sheteldik bilim berý uiymdarynyń ókilderiniń basyn qosty. Sammit aiasynda oqý ornynda Lýchano Matstsetti atyndaǵy Montessori pedagogikasy ortalyǵy men Montessori biliminiń ǵylymi-ádistemelik zerthanasy ashyldy, dep habarlaidy dalanews.kz.

Zamanaýi bilim berý júiesinde balanyń bolmysy, qabileti men jeke damý erekshelikteri óte mańyzdy. Montessoridiń gýmanistik pedagogikalyq filosofiiasy qazaq halqynyń rýhani jáne tárbielik murasymen úndesedi. Ásirese uly oishyl Abai Qunanbaiulynyń «Tolyq adam» ilimimen de sabaqtasatyn tustary bar.

Halyqaralyq sammitti ashqan Abai atyndaǵy QazUPÝ Basqarma Tóraǵasy-Rektor Bolat Tilep qatysýshylarǵa quttyqtaý sóz sóilep, sheteldikáriptesterge basqosýdy uiymdastyrýǵa jáne bilim berý salasyndaǵy yntymaqtastyqty damytýǵa qosqan úlesi úshin alǵys bildirdi.

– Abai filosofiiasyndaǵy tolyq adam tujyrymdamasy aqyl, júrek pen qairattyń birligin, jaýapkershilik, ádilettilik, eńbekqorlyq jáne bilimge umtylý qasietterin tárbieleýdi kózdeidi. Bul qundylyqtar Mariia Montessori pedagogikasynyń negizgi qaǵidattarymen ózara sabaqtas. Sondyqtan halyqaralyq tájiribeni ulttyq rýhani jáne mádeni qundylyqtarmen shyǵarmashylyq turǵydan ushtastyrý biz úshin mańyzdy,– dedi Bolat Tilep.

Montessori pedagogikasyn damytý otandyq pedagogikalyq bilim berýdi jańǵyrtýdyń mańyzdy baǵyttarynyń biri. Óitkeni onyń mánisi – balanyń ózin-ózi tárbieleýine, óz betinshe úirenýine jáne tabiǵi qabiletterin damytýyna negizdelgen tárbie men oqytý júiesi. Osyndai ádisteme negizinde búgin qara shańyraqta Lýchano Matstsetti atyndaǵy Montessori pedagogikasy ortalyǵy men Montessori biliminiń ǵylymi-ádistemelik zerthanasyashyldy. «International Maria Montessori Center» direktorlar keńesiniń múshesi Valeriia Matstseti mundai ortalyqtardyń álem boiynsha keń taralǵanyn jetkizdi. 

– Álemniń kóptegen elinde bizdiń ortalyqtar jumys isteidi. Máselen Japoniia, Meksika, Qytai, Eýropa elderinda bar, mine, búgin Qazaqstandaashylyp otyr. Bul ortalyqta bilim alǵan stýdentter pedagogikalyqquzyretin damytyp, shet elder de eńbek ete alady. Qazaqstandyq stýdentterge halyqaralyq arenada eńbek suranysyna ie bolýǵa múmkindik beredi, – dedi italiialyq ókil. 

Sammit aiasynda Abai ýniversiteti Qazaqstandaǵy Montessori qaýymdastyǵymen jáne «Montessori Qazaqstan» qoǵamdyq qorymen ózara yntymaqtastyq týraly eki memorandýmǵa qol qoidy. Qos qujat taraptardyń bilim berý, ǵylymi-ádistemelik jáne kásibi baǵyttardaǵy áriptestikterin nyǵaitýǵa negiz bolmaq.

Jiynǵa Italiia, Frantsiia, Germaniia, Chehiia, Grekiia, Resei jáne Qazaqstan ǵalymdary men pedagogika salasynyń sarapshylary qatysyp,bala oqytýdaǵy zamanaýi ádis-tásilderdi saralady. Atap aitqanda, Montessori filosofiiasyndaǵy antropologiia men tehnologiia, ádistiń fizikalyq qaǵidattary, tabysty Montessori mektepterin qalyptastyrý, terapiialyq jumys, 0-3 jas aralyǵyndaǵy balalardyń damýy jáne pedagogikalyq baqylaýdyń mańyzy talqylandy.