سلوۆاكييادا ادام ۇرلاۋعا كٷدٸكتٸ تٶرت قازاقستان ازاماتى ۇستالدى. قازاقستاننىڭ سىرتقى ٸستەر مينيسترلٸگٸ ولارعا كونسۋلدىق-قۇقىقتىق كٶمەك كٶرسەتٸلٸپ جاتقانىن حابارلادى, دەپ حابارلايدى dalanews.kz.
ۆەدومستۆونىڭ مەلٸمەتٸنشە, ۇستالعان ازاماتتاردىڭ تۋىستارىمەن بايلانىس ورناتىلعان. جاعداي مينيسترلٸكتٸڭ باقىلاۋىندا.
سلوۆاكييالىق TN Live تەلەارناسىنىڭ حابارلاۋىنشا, وقيعا ترەنچين قالاسىندا بولعان. بەس جاس جٸگٸت ەگدە جاستاعى ەيەلدٸڭ ٷيٸنە كەلٸپ, ٶزدەرٸن پوليتسييا قىزمەتكەرلەرٸ رەتٸندە تانىستىرعان. ولار ەيەلدٸڭ نەمەرەسٸن ٸزدەگەن.
جەرگٸلٸكتٸ باق مەلٸمەتٸنشە, ەر ادام ٷيدەن تابىلىپ, سوققىعا جىعىلعان. شابۋىل جاساعانداردىڭ ماقساتى اقشا بوپسالاۋ بولۋى مٷمكٸن دەگەن بولجام بار.
كەيٸن كەلگەن ادامداردىڭ قۇقىق قورعاۋ ورگاندارىنىڭ قىزمەتكەرلەرٸ ەمەس ەكەنٸ انىقتالعان. TN Live اقپاراتى بويىنشا, پوليتسييا 18 بەن 21 جاس ارالىعىنداعى تٶرت كٷدٸكتٸنٸ ۇستاعان. ولاردىڭ بارلىعى قازاقستان ازاماتتارى ەرٸ جەرگٸلٸكتٸ ۋنيۆەرسيتەتتٸڭ ستۋدەنتتەرٸ ەكەنٸ حابارلاندى.
وقيعاعا قاتىسى بولۋى مٷمكٸن بەسٸنشٸ ادام ەزٸرگە تابىلعان جوق. تەرگەۋ جالعاسىپ جاتىر.