موڭعولييا پرەزيدەنتٸ ۋحنااگيين حٷرەلسٷح مەرزٸمٸنەن بۇرىن قىزمەتٸنەن كەتتٸ. ەل پارلامەنتٸ مەملەكەت باسشىسىنىڭ وتستاۆكاعا كەتۋ تۋرالى ٶتٸنٸشٸن ماقۇلدادى. بۇل شەشٸم ونىڭ اتىنا قاتىستى جەمقورلىق ايىپتاۋلارى ايتىلعان تۇستا قابىلداندى, دەپ حابارلايدى dalanews.kz.
19 قاراشادا موڭعولييانىڭ ۇلى مەملەكەتتٸك حۋرالى پرەزيدەنتتٸڭ ٶكٸلەتتٸگٸن مەرزٸمٸنەن بۇرىن توقتاتۋ مەسەلەسٸن قارادى.
پارلامەنتتٸڭ رەسمي مەلٸمەتٸنشە, وتىرىسقا قاتىسقان 104 دەپۋتاتتىڭ 96-سى حٷرەلسٷحتٸڭ وتستاۆكاسىن قولداعان. بۇل – داۋىس بەرۋگە قاتىسقانداردىڭ 92,3 پايىزى.
ۋحنااگيين حٷرەلسٷح پرەزيدەنتتٸك قىزمەتٸن ٶز ەركٸمەن مەرزٸمٸنەن بۇرىن توقتاتقان موڭعولييا تاريحىنداعى العاشقى مەملەكەت باسشىسى اتاندى.
پرەزيدەنت نە سەبەپتٸ قىزمەتٸنەن كەتتٸ?
بۇعان دەيٸن موڭعولييادا پرەزيدەنتكە قاتىستى جەمقورلىق ايىپتاۋلارى ايتىلعان بولاتىن.
ساياسي قارسىلاستارى حٷرەلسٷحتٸڭ پرەمەر-مينيستر قىزمەتٸن اتقارعان كەزەڭٸندەگٸ تەمٸرجول قۇرىلىسىنا بايلانىستى قارجىلىق زاڭبۇزۋشىلىقتارعا قاتىسى بولۋى مٷمكٸن ەكەنٸن مەلٸمدەگەن. اتاپ ايتقاندا, مەسەلە تاۆان-تولگوي كٶمٸر كەن ورنىمەن بايلانىستى تەمٸرجول جوباسىنا قاتىستى كٶتەرٸلگەن. الايدا حٷرەلسٷح ٶزٸنە تاعىلعان ايىپتاردى جوققا شىعارىپ, ولاردى بەدەلٸنە نۇقسان كەلتٸرۋ ەرەكەتٸ دەپ باعالادى.
سونداي-اق ول تيٸستٸ تەرگەۋ جٷرگٸزٸلۋٸنە دايىن ەكەنٸن جەتكٸزدٸ. جەمقورلىققا قارسى ورگاندار پرەزيدەنتتٸڭ زاڭسىز تٶلەم العانىن راستايتىن دەلەلدەر انىقتالماعانىن حابارلاعان.
17 قاراشادا مەملەكەت باسشىسى قىزمەتٸنەن كەتۋگە دايىن ەكەنٸن مەلٸمدەگەن ەدٸ. ەكٸ كٷننەن كەيٸن پارلامەنت ونىڭ ٶتٸنٸشٸن رەسمي تٷردە ماقۇلدادى.
موڭعولييانى ەندٸ كٸم باسقارادى?
ەل كونستيتۋتسيياسىنا سەيكەس, جاڭا پرەزيدەنت سايلانعانعا دەيٸن مەملەكەت باسشىسىنىڭ ٶكٸلەتتٸگٸ ۇلى مەملەكەتتٸك حۋرال تٶراعاسى سانداگيين بيامباتسوگتقا بەرٸلدٸ. ول جاڭادان سايلانعان پرەزيدەنت انت قابىلداعانعا دەيٸن ەل باسشىسىنىڭ مٸندەتٸن اتقارادى.
پارلامەنت موڭعولييادا مەرزٸمٸنەن بۇرىن پرەزيدەنت سايلاۋىن ۇيىمداستىرۋى تيٸس.
ايتا كەتەيٸك, ۋحنااگيين حٷرەلسٷح 2021 جىلعى ماۋسىمنان بەرٸ موڭعولييا پرەزيدەنتٸ قىزمەتٸن اتقارىپ كەلگەن. بۇعان دەيٸن ول ەلدٸڭ پرەمەر-مينيسترٸ بولعان.