رەسەيدٸڭ كەمەروۆ وبلىسىندا ەسكەري-ترانسپورتتىق ان-12 ۇشاعى اپاتقا ۇشىراپ, بورتتاعى 19 ادامنىڭ بارلىعى قازا تاپتى. بۇل تۋرالى رەسەي قورعانىس مينيسترلٸگٸ حابارلادى, دەپ حابارلايدى dalanews.kz.
ۆەدومستۆو مەلٸمەتٸنشە, وقيعا 17 قاراشادا جوسپارلى ۇشۋ كەزٸندە بولعان. ۇشاق ادام تۇرمايتىن اۋماققا قۇلاعان.
«كەمەروۆ وبلىسىندا جوسپارلى ۇشۋ كەزٸندە ەسكەري-ترانسپورتتىق ان-12 ۇشاعى اپاتقا ۇشىرادى. ۇشاق ادام تۇرمايتىن جەرگە قۇلاعان. بورتتا ەكيپاج مٷشەلەرٸمەن بٸرگە 19 ادام بولعان. ولاردىڭ بارلىعى قازا تاپتى», – دەپ حابارلادى رەسەي قورعانىس مينيسترلٸگٸ.
الدىن الا مەلٸمەت بويىنشا, اپاتقا تەحنيكالىق اقاۋ سەبەپ بولۋى مٷمكٸن.
اپاتتىڭ بارلىق مەن-جايىن انىقتاۋ ٷشٸن وقيعا ورنىندا رەسەيدٸڭ ەۋە-عارىش كٷشتەرٸنٸڭ كوميسسيياسى جۇمىس ٸستەپ جاتىر.