الماتىداعى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جاتاقحاناسىندا قايتىس بولعان بٸرٸنشٸ كۋرس ستۋدەنتٸ داۋىل بەكٸرتايدىڭ جاقىندارى قايعىلى وقيعاعا قاتىستى جاڭا مەلٸمەتتەردٸ جارييالادى. مارقۇمنىڭ تۋىستارى ستۋدەنتتٸڭ بۇعان دەيٸن جوعارى كۋرس ستۋدەنتتەرٸنەن ەلٸمجەتتٸك كٶرگەنٸن ايتىپ, ونىڭ ٶلٸمٸنە قاتىسى بولۋى مٷمكٸن بارلىق ادامنىڭ جاۋاپقا تارتىلۋىن تالاپ ەتتٸ, دەپ dalanews.kz تٸلشٸسٸ Ulysmedia.kz باسىلىمىنا سٸلتەمە جاساپ حابارلايدى.
قايتىس بولعان ستۋدەنتتٸڭ تۋىسى ۇلدانا سەگٸزبايدىڭ ايتۋىنشا, داۋىل بەكٸرتاي جاتاقحاناداعى جاعداي تۋرالى جاقىندارىنا بٸرنەشە رەت شاعىمدانعان. ول جوعارى كۋرس ستۋدەنتتەرٸنٸڭ تٷرلٸ سىلتاۋمەن تيٸسٸپ, تٷن ٸشٸندە دٷكەنگە جۇمسايتىنىن ايتقان. تۋىستارى بۇل جاعدايدىڭ قايعىلى وقيعامەن اياقتالاتىنىن كٷتپەگەندەرٸن جەتكٸزدٸ.
مارقۇمنىڭ تۋىسىنىڭ سٶزٸنشە, وقيعا 15 قاراشادان 16 قاراشاعا قاراعان تٷنٸ ۋنيۆەرسيتەت جاتاقحاناسىندا بولعان. ونىڭ ايتۋىنشا, ەكٸنشٸ كۋرستا وقيتىن سەگٸز ستۋدەنت داۋىل بەكٸرتاي مەن تاعى بٸر بٸرٸنشٸ كۋرس ستۋدەنتٸن بٶلمەگە شاقىرىپ الىپ, سوققىعا جىققان.
جانجالدىڭ ناقتى نەدەن باستالعانى بەلگٸسٸز. الايدا تۋىستارىنىڭ مەلٸمەتٸنشە, سول تٷنٸ ستۋدەنتتەر ۋنيۆەرسيتەتتە ٶتەتٸن بٸر ٸس-شاراعا دايىندالعان.
"ولار تٷندە جاتاقحانانىڭ بٸر بٶلمەسٸنە شاقىرىپ الىپ, جابىلىپ ۇرعان ەكەن. ارتىنشا انىقتاعانىمىزداي, ول سول تٷنٸ ۋنيۆەرسيتەتتە ٶتەتٸن بٸر شاراعا دايىندالعان ەكەن. ودان كەيٸن مىنا ٸنٸم داۋىل بەكٸرتايدى جەنە تاعى دا بٸر بالانى شاقىرىپ الىپ, تيٸسٸپ باستاعان", – دەدٸ مارقۇمنىڭ تۋىسى.
ول جانجالعا قاتىسقان بولۋى مٷمكٸن ستۋدەنتتەردٸڭ سٶزٸن دە جەتكٸزدٸ.
"شاماسى, شاراعا دايىندىق كەزٸندە بٸر نەرسەگە كەلٸسە الماي قالدى ما, بٸلمەيمٸن. كەلٸپ تيٸسٸپ باستاعان. قاسىنداعى جەبٸر كٶرگەن بالانىڭ بٸزگە ايتقانى بويىنشا, نەگە تيٸسٸپ جاتسىڭدار دەگەندە: "جاي, سەندەر بٸزگە ۇنامايسىڭدار", – دەپ ۇرعان ەكەن", – دەدٸ ول.
بۇل مەلٸمەتتەر ەزٸرگە مارقۇمنىڭ تۋىستارىنىڭ سٶزٸنە نەگٸزدەلگەن. قۇقىق قورعاۋ ورگاندارى وقيعاعا قاتىسقان بارلىق ادامنىڭ ەرەكەتٸنە قاتىستى تولىق رەسمي اقپارات جارييالاعان جوق.
ۇلدانا سەگٸزبايدىڭ ايتۋىنشا, جانجال كەزٸندە داۋىل بەكٸرتاي ەسٸنەن تانىپ قۇلاعان. ونىڭ سٶزٸنشە, وقيعاعا قاتىسقان ستۋدەنتتەر باستاپقىدا جٸگٸت ەسٸن قايتا جينايدى دەپ ويلاعان. سول سەبەپتٸ جەدەل جەردەم بٸردەن شاقىرىلماعان.
"باسىندا داۋىلدى اياۋسىز ۇرعان, ارتىنشا ول جەرگە قۇلاعان كەزدە ەكٸنشٸ كۋرستىڭ ستۋدەنتتەرٸ ونى تالىپ قالدى دەپ ويلاعان. سودان ونى ەسٸن جيعىزۋ ٷشٸن قاسىنداعى دوسىنا ونىڭ ەكٸ اياعىن اسپانعا قاراتىپ قويۋدى تاپسىرعان", – دەدٸ تۋىسى.
ول وقيعانىڭ تٷنگٸ ساعات ون ەكٸدەن كەيٸن بولعانىن, ال جەدەل جەردەم شامامەن ساعات 01:30-دا شاقىرىلعانىن ايتتى. مارقۇمنىڭ جاقىندارى مەديتسينالىق كٶمەكتٸڭ كەش كٶرسەتٸلگەنٸنە الاڭداپ وتىر.
"سوندا ارادا بٸر جارىم ساعاتتاي ۋاقىت تەككە كەتتٸ. ەگەر ولار جەدەل جەردەمدٸ ەرتەرەك شاقىرسا, مٷمكٸن, امان قالار ما ەدٸ", – دەدٸ ۇلدانا سەگٸزباي.
تۋىسىنىڭ ايتۋىنشا, مەيٸتحانادا ولارعا داۋىلدىڭ جٷرەك تۇسىنا تيگەن اۋىر سوققىدان قايتىس بولعانى ايتىلعان. سونداي-اق ول مارقۇمنىڭ كەۋدە تۇسىندا كٶگەرگەن جەنە قىزارعان ٸزدەر بولعانىن مەلٸمدەدٸ. دەگەنمەن ستۋدەنتتٸڭ ٶلٸمٸنٸڭ ناقتى سەبەبٸ سوت-مەديتسينالىق ساراپتامانىڭ رەسمي قورىتىندىسىمەن عانا انىقتالادى. ەزٸرگە مۇنداي قورىتىندى كٶپشٸلٸككە جارييالانعان جوق.
مارقۇمنىڭ تۋىستارى ۋنيۆەرسيتەت جاتاقحاناسىندا جوعارى كۋرس ستۋدەنتتەرٸ تاراپىنان ەلٸمجەتتٸك كٶرسەتٸلگەنٸن مەلٸمدەدٸ. ولاردىڭ ايتۋىنشا, داۋىل بەكٸرتاي قايتىس بولاردان بٸر كٷن بۇرىن الماتىداعى تۋىستارىنىڭ ٷيٸنە بارعان.
سول كەزدە ول جاتاقحاناداعى جاعدايعا كٶڭٸلٸ تولمايتىنىن ايتىپ, جوعارى كۋرستا وقيتىن ستۋدەنتتەردٸڭ مازاسىن الاتىنىنا شاعىمدانعان.
"قازا بولارىنىڭ الدىندا تۋىسىمىزدىڭ ٷيٸنە كەلگەندە, جوعارى كۋرس ستۋدەنتتەرٸ ەلٸمجەتتٸك كٶرسەتٸپ, مازاسىن الاتىنىن ايتتى. بٸرەسە دٷكەنگە بار, بٸرەسە تاعى باسقا دەپ تىنىشتىعىن الىپ جٷرگەن. سول كٷنٸ كٶڭٸل كٷيٸ بولماي وتىرعان ەدٸ", – دەدٸ ۇلدانا سەگٸزباي.
ونىڭ سٶزٸنشە, جاتاقحانادا بٸرٸنشٸ كۋرس ستۋدەنتتەرٸنە قاتىستى بەيرەسمي تالاپتار قالىپتاسقان.
اتاپ ايتقاندا, ەكٸنشٸ كۋرس ستۋدەنتتەرٸنە مٸندەتتٸ تٷردە «سٸز» دەپ سٶيلەۋ, قول الىسىپ امانداسۋ جەنە ٷلكەن كۋرستا وقيتىن قىزدارعا ەرەكشە قۇرمەت كٶرسەتۋ تالاپ ەتٸلگەنٸ ايتىلادى.
"ەكٸنشٸ كۋرسقا سٸز دەپ سٶيلەۋ كەرەك, قول الىپ امانداسۋ كەرەك, تٸپتٸ ەكٸنشٸ كۋرستىڭ قىزدارىن الىستان كٶرە سالىسىمەن تٸكە قاراماي, بٸردەن امانداسۋ كەرەك دەگەن سيياقتى ميعا سىيمايتىن ٶزدەرٸنٸڭ زاڭدارىن ورناتىپ العان", – دەدٸ مارقۇمنىڭ تۋىسى.
سونداي-اق ستۋدەنتتەردٸ تٷن ٸشٸندە تۇرعىزىپ, دٷكەنگە جۇمسايتىنى تۋرالى دا ايتىلعان. تۋىستارى مۇنداي ەرەكەتتەرگە ۋنيۆەرسيتەت ەكٸمشٸلٸگٸ تاراپىنان تيٸستٸ باقىلاۋ بولماعان بولۋى مٷمكٸن دەپ الاڭداۋشىلىق بٸلدٸردٸ.