اتىراۋ وبلىسىندا بٸر جاستاعى بالا اۋىر حالدە ينفەكتسييالىق اۋرۋحاناعا جەتكٸزٸلگەننەن كەيٸن كٶز جۇمدى. دەرٸگەرلەر ونىڭ ٶمٸرٸن ساقتاپ قالا المادى, دەپ حابارلايدى dalanews.kz.
اتىراۋ وبلىستىق دەنساۋلىق ساقتاۋ باسقارماسىنىڭ مەلٸمەتٸنشە, بالا 14 قاراشادا جىلىوي اۋدانىنان سانيتارلىق اۆياتسييا ارقىلى وبلىستىق ينفەكتسييالىق اۋرۋحاناعا جەتكٸزٸلگەن. وعان دەيٸن اۋداندىق اۋرۋحانادا ەم قابىلداعان.
«اۋرۋحاناعا تٷسكەن كەزدە بالانىڭ جاعدايى ٶتە اۋىر دەپ باعالاندى. نەگٸزگٸ اۋرۋىنىڭ اياسىندا ەكٸجاقتى پنەۆمونييا, تىنىس الۋ جەنە جٷرەك جەتكٸلٸكسٸزدٸگٸ دامىدى. مەديتسينا ماماندارى قارقىندى تەراپييانىڭ تولىق كەشەنٸن جٷرگٸزدٸ. قابىلدانعان ەمگە قاراماستان, بالانى امان الىپ قالۋ مٷمكٸن بولمادى», – دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
ۆەدومستۆو دەرەگٸنشە, 2026 جىلعى 1 قازان مەن 17 قاراشا ارالىعىندا اتىراۋ وبلىسىندا قىزىلشانىڭ زەرتحانالىق جولمەن راستالعان 45 جاعدايى تٸركەلگەن. ٶتكەن جىلدىڭ وسى كەزەڭٸندە 78 جاعداي انىقتالعان.
قازٸر اۋرۋحانادا جەتٸ ادام ەم قابىلداپ جاتىر. ولاردىڭ تٶرتەۋٸنەن قىزىلشا زەرتحانالىق جولمەن راستالسا, تاعى ٷشەۋٸنە ەزٸرگە كٷدٸك بار.
دەنساۋلىق ساقتاۋ باسقارماسى اۋرۋحاناعا جاتقىزىلعان ناۋقاستاردىڭ باسىم بٶلٸگٸ قىزىلشاعا قارسى ەكپە الماعانىن اتاپ ٶتتٸ.