الماتىنىڭ جاڭارتىلعان باس جوسپارى بويىنشا 2040 جىلعا قاراي قالا حالقى 3,6 ميلليون ادامعا جەتۋٸ مٷمكٸن. وسى ٶسٸمدٸ ەسكەرە وتىرىپ, بيلٸك قالانى دامىتۋدىڭ جاڭا جوسپارىن بەكٸتتٸ, دەپ حابارلايدى dalanews.kz.
الماتىنىڭ باس جوسپارى 2026 جىلعى 31 قازاندا ٷكٸمەت قاۋلىسىمەن بەكٸتٸلگەن. قۇجات 16 قاراشادا قۇقىقتىق اقپاراتتىڭ بٸرىڭعاي جٷيەسٸندە جارييالانىپ, سول كٷنٸ كٷشٸنە ەندٸ.
باس جوسپار ەكٸ كەزەڭگە ەسەپتەلگەن:
- بٸرٸنشٸ كەزەڭ - 2030 جىل. بولجام بويىنشا بۇل ۋاقىتتا قالا حالقى 2,7 ميلليون ادامعا جەتەدٸ.
- ەسەپتٸك مەرزٸم - 2040 جىل (2041 جىلعى 1 قاڭتار). بۇل كەزەڭدە الماتى حالقى 3,6 ميلليون ادام بولادى دەپ بولجانعان.
قۇجاتتا شىعارىندىلارى تٶمەن ايماقتاردى كەزەڭ-كەزەڭٸمەن كەڭەيتۋ دە قاراستىرىلعان. 2040 جىلعا قاراي مۇنداي شەكتەۋلەر بٷكٸل قالانى قامتيدى. سونىمەن قاتار, جەو-2 تابيعي گازعا كٶشٸرٸلٸپ, 2027 جىلعا دەيٸن جەكە سەكتوردى تولىق گازداندىرۋ جوسپارلانعان. وسىدان كەيٸن كٶمٸر جاعاتىن پەشتەردٸ پايدالانۋعا تىيىم سالىنادى.