Almatynyń jańartylǵan Bas jospary boiynsha 2040 jylǵa qarai qala halqy 3,6 million adamǵa jetýi múmkin. Osy ósimdi eskere otyryp, bilik qalany damytýdyń jańa josparyn bekitti, dep habarlaidy dalanews.kz.
Almatynyń Bas jospary 2026 jylǵy 31 qazanda Úkimet qaýlysymen bekitilgen. Qujat 16 qarashada Quqyqtyq aqparattyń biryńǵai júiesinde jariialanyp, sol kúni kúshine endi.
Bas jospar eki kezeńge eseptelgen:
- Birinshi kezeń - 2030 jyl. Boljam boiynsha bul ýaqytta qala halqy 2,7 million adamǵa jetedi.
- Eseptik merzim - 2040 jyl (2041 jylǵy 1 qańtar). Bul kezeńde Almaty halqy 3,6 million adam bolady dep boljanǵan.
Qujatta shyǵaryndylary tómen aimaqtardy kezeń-kezeńimen keńeitý de qarastyrylǵan. 2040 jylǵa qarai mundai shekteýler búkil qalany qamtidy. Sonymen qatar, JEO-2 tabiǵi gazǵa kóshirilip, 2027 jylǵa deiin jeke sektordy tolyq gazdandyrý josparlanǵan. Osydan keiin kómir jaǵatyn peshterdi paidalanýǵa tyiym salynady.