Qostanai oblysynda 10 jastaǵy balaǵa qatysty jynystyq zorlyq-zombylyq jasaldy degen kúdikpen eki altynshy synyp oqýshysyna qatysty tergeý júrip jatyr. Bul týraly «NeMolchi» qory málimdedi, dep habarlaidy dalanews.kz.
Qordyń málimetinshe, oqiǵa mektep dárethanasynda bolǵan. Boljam boiynsha, altynshy synypta oqityn eki oqýshy besinshi synyp oqýshysyna zorlyq kórsetken.
Qor ókilderiniń aitýynsha, bolǵan jaǵdaidy joǵary synyp oqýshylarynyń biri baiqap, bul týraly jábirlenýshi balanyń aǵasyna jetkizgen. Keiin mektep direktory politsiiaǵa habar bergen. Balanyń anasy quqyq qorǵaý organdaryna aryz jazyp, advokattyń kómegine júgingen. «NeMolchi» qory kúdikti oqýshylardyń biriniń ata-anasy osy mektepte jumys isteitinin de málimdedi.
Qostanai oblysynyń politsiia departamenti atalǵan derek boiynsha tergeý júrgizilip jatqanyn rastady. Alaida istiń ózge málimetterin jariialamady.
«Tergeý jalǵasyp jatyr. Tergeý múddesine bailanysty ózge aqparat jariia etilmeidi», – dep habarlady politsiia departamenti.
Quqyq qorǵaý organdary oqiǵaǵa qatysty asyǵys qorytyndy jasamaýǵa shaqyrdy. Qazir istiń barlyq mán-jaiy anyqtalyp jatyr.