دەنەكەرلەۋ كەزٸندەگٸ ۇشقىن: الماتىداعى سپورت مەكتەبٸنٸڭ ٶرتەنۋٸنە نە سەبەپ بولعان?

دەنەكەرلەۋ كەزٸندەگٸ ۇشقىن: الماتىداعى سپورت مەكتەبٸنٸڭ ٶرتەنۋٸنە نە سەبەپ بولعان?
اشىق دەرەككٶز

الماتىداعى №2 مامانداندىرىلعان بالالار مەن جاسٶسپٸرٸمدەر سپورت مەكتەبٸنٸڭ مانەجٸندە بولعان ٶرتكە دەنەكەرلەۋ جۇمىستارى كەزٸندە ٶرت قاۋٸپسٸزدٸگٸ تالاپتارىنىڭ ساقتالماۋى سەبەپ بولعان. بۇل تۋرالى جۋرناليست ميحايل كوزاچكوۆتىڭ Telegram-ارناسىندا جازىلدى, دەپ حابارلايدى dalanews.kz.

دەرەككٶزدٸڭ مەلٸمەتٸنشە, عيماراتتا جٶندەۋ جۇمىستارى جٷرگٸزٸلٸپ جاتقان كەزدە دەنەكەرلەۋ بارىسىندا ۇشقىن شاشىراپ, سونىڭ سالدارىنان ٶرت شىققان. وسى وقيعاعا بايلانىستى الماتى قالاسىنىڭ تٶتەنشە جاعدايلار دەپارتامەنتٸ قىلمىستىق ٸستٸ تەرگەپ جاتىر.

ەسكە سالايىق, ٶرت 15 قاراشادا المالى اۋدانىنداعى برۋسيلوۆسكيي كٶشەسٸندە ورنالاسقان ەكٸ قاباتتى عيماراتتا بولعان. تٶتەنشە جاعدايلار مينيسترلٸگٸنٸڭ مەلٸمەتٸنشە, ٶرت سٶندٸرۋشٸلەر وقيعا ورنىنا جەتكەن كەزدە عيمارات اشىق جالىنعا ورانعان. ٶرت كٶرشٸلەس نىساندارعا تارالۋ قاۋپٸن تۋدىرعان.

قۇتقارۋشىلار ٶرتتٸ ساعات 10:25-تە تولىق سٶندٸردٸ. زارداپ شەككەندەر بولعان جوق. الدىن الا مەلٸمەت بويىنشا, جالىن شامامەن 1,1 مىڭ شارشى مەتر اۋماقتى زاقىمداعان.

قالالىق سپورت باسقارماسىنىڭ حابارلاۋىنشا, مانەج بۇرىنعى ورنىندا قالپىنا كەلتٸرٸلەدٸ. ماماندار الدىمەن عيماراتتىڭ تەحنيكالىق جاعدايىن تەكسەرٸپ, سودان كەيٸن جٶندەۋ جۇمىستارىنىڭ كٶلەمٸ مەن مەرزٸمٸن انىقتايدى.

ٶرت سالدارىنان جاتتىعۋ ورنىسىز قالعان 352 سپورتشىنىڭ دايىندىعى باسقا سپورت نىساندارىندا جالعاسادى. ولاردى جاتتىعۋ ورىندارىنا جەتكٸزۋ ٷشٸن اۆتوبۋستار بٶلٸنەدٸ.