"وقىپ وتىرىپ, كٶز جاسىمدى توقتاتا المادىم": بەلگييالىق جەنٸبەك تۋعان اناسىنىڭ حاتىن تاپقانىن ايتتى

"وقىپ وتىرىپ, كٶز جاسىمدى توقتاتا المادىم": بەلگييالىق جەنٸبەك تۋعان اناسىنىڭ حاتىن تاپقانىن ايتتى
Alash.kz كوللاجى

بەلگييالىق وتباسى اسىراپ العان قازاق جٸگٸتٸ جەنٸبەك ساۆەلەۆ كٶپشٸلٸككە بۇرىن ايتپاعان ٶمٸرلٸك وقيعاسىمەن بٶلٸستٸ. ول تۋعان جەرٸ ارقالىققا بارعان ساپارىندا بيولوگييالىق اناسى قالدىرعان قوشتاسۋ حاتىن العانىن جەنە كەيٸن ونى جازعان ەيەلمەن كەزدەسكەنٸن مەلٸمدەدٸ.

جەنٸبەك ساۆەلەۆ ەلەۋمەتتٸك جەلٸدەگٸ پاراقشاسىندا بٸرنەشە اي بۇرىن يندونەزيياعا جاساعان ساپارىنان ەستەلٸكتەر جارييالاۋدى جوسپارلاپ وتىرعانىن ايتتى. سونىمەن قاتار ول ۇزاق ۋاقىت بويى ٸشٸندە ساقتاپ كەلگەن, ٶمٸرٸنە تٸكەلەي قاتىستى ەرەكشە وقيعانى بايانداۋعا شەشٸم قابىلداعان.

ونىڭ سٶزٸنشە, بٸرنەشە جىل بۇرىن ٶزٸ دٷنيەگە كەلگەن ارقالىق قالاسىنداعى پەرزەنتحاناعا ارنايى بارعان. سول جەردە كٷتپەگەن جاڭالىققا تاپ بولعان.

«ارالارىڭىزدا مەنٸڭ بٸرنەشە جىل بۇرىن تۋعان جەرٸم — ارقالىقتاعى پەرزەنتحاناعا بارعانىمدى ەسكە الاتىندار بار شىعار. ول ساپار مەن ٷشٸن ەرەكشە ماڭىزدى ەدٸ. ٶزٸم دٷنيەگە كەلگەن جەردٸڭ دەلٸزدەرٸن ارالاپ جٷرگەنٸمدە, قولىما بيولوگييالىق انامنىڭ مەن دٷنيەگە كەلگەن كەزدە قالدىرعان قوشتاسۋ حاتىن بەردٸ. ونىڭ بار ەكەنٸن وسى ۋاقىتقا دەيٸن بٸلمەگەن ەدٸم», – دەپ جازدى جەنٸبەك.

ول حاتتى العاش وقىعان سەتتە ەرەكشە تولقىعانىن جاسىرمادى. سەبەبٸ بۇل جازبا ونىڭ ٶمٸرٸنٸڭ العاشقى كٷندەرٸنەن قالعان ماڭىزدى ەستەلٸكتەردٸڭ بٸرٸ بولعان.

«ول حاتتى العاش وقىعان سەتتە قانداي كٷيدە بولعانىمدى سٶزبەن جەتكٸزۋ قيىن. حاتتاعى سٶزدەر مەن كەيبٸر مەلٸمەتتەر جٷرەگٸمدٸ قاتتى تولقىتتى. جىلدار بويى تٷرلٸ سۇراقتارعا جاۋاپ ٸزدەپ, ٶمٸرٸمنٸڭ باستاۋىن تٷسٸنۋگە تىرىسىپ جٷردٸم. ال سول كٷنٸ ٶمٸرٸمنٸڭ العاشقى كٷندەرٸنەن قالعان بٸر ەستەلٸك قولىما تيدٸ. ونى وقىپ وتىرىپ, كٶز جاسىمدى ۇستاي المادىم», – دەدٸ ول.

جەنٸبەك حاتتى جازعان ەيەلمەن استانادا كەزدەسكەن

جەنٸبەكتٸڭ ايتۋىنشا, حاتتى العاننان كەيٸن ول جازبانىڭ اۆتورىن ٸزدەستٸرۋگە كٸرٸسكەن. ٸزدەۋ جۇمىستارى نەتيجەسٸندە حات قالدىرعان ەيەل تابىلىپ, ەكەۋٸ استانادا جٷزدەسكەن.

بۇل كەزدەسۋ جەنٸبەك ٷشٸن ٶمٸرٸندەگٸ ەرەكشە سەتتەردٸڭ بٸرٸنە اينالعان.

«بٸز سول حاتتى جازعان ەيەلدٸ دە ٸزدەي باستادىق. اقىرى, ونى تاپتىق. ونىمەن استانادا كەزدەستٸك. بۇل كەزدەسۋ مەن ٷشٸن ٶتە ەرەكشە ەرٸ جٷرەگٸمە تەرەڭ ەسەر قالدىردى», – دەپ جازدى ول.

الايدا جەنٸبەك كەزدەسۋدٸڭ بارلىق مەن-جايىن ەزٸرگە جارييا ەتپەگەن. ول بۇل وقيعانىڭ جالعاسى بار ەكەنٸن جەنە ونى كٶپشٸلٸككە بٸرتٸندەپ ايتىپ بەرەتٸنٸن جەتكٸزدٸ.

«سول كەزدەسۋدەن كەيٸنگٸ وقيعالاردى وسى ۋاقىتقا دەيٸن سٸزدەرگە ايتىپ كٶرمەپپٸن. ٶيتكەنٸ بۇل وقيعانىڭ جالعاسى دا بار, ەرٸ ونىڭ بەرٸن بٸردەن ايتىپ جەتكٸزۋ وڭاي ەمەس», – دەدٸ جەنٸبەك.

سونداي-اق ول ٶزٸنٸڭ تۋعان جەرٸن, شىققان تەگٸن ٸزدەۋ جولىندا قولداۋ كٶرسەتكەن قازاقستاندىقتارعا العىسىن بٸلدٸردٸ.

جەنٸبەك ساۆەلەۆ الداعى كٷندەرٸ يندونەزييا ساپارىنان سۋرەتتەر جارييالاپ, تۋعان اناسىنىڭ حاتىنا بايلانىستى وقيعانىڭ قالاي ٶربٸگەنٸن دە بايانداۋعا ۋەدە بەردٸ.

ايتا كەتەيٸك, بەلگييادا ٶسكەن جەنٸبەك ساۆەلەۆ بۇعان دەيٸن قازاقستانعا كەلٸپ, ٶزٸنٸڭ بيولوگييالىق وتباسىن ٸزدەۋٸمەن كٶپشٸلٸككە تانىلعان بولاتىن. ونىڭ تاعدىرى مەن تۋعان اناسىن ٸزدەۋ وقيعاسى قازاقستاندىقتاردىڭ نازارىن اۋدارعان.