Kaspii teńizinde áskeri oqý-jattyǵý kezinde 14 áskeri qyzmetshiniń ómirin qiǵan qaiǵyly oqiǵaǵa bir ai toldy. Arada ýaqyt ótse de, jaqyndarynan aiyrylǵan otbasylardyń qaiǵysy seiilgen joq. Áleýmettik jelide marqum sarbazdarǵa arnalǵan júrek tebirenterlik jazba jariialandy.
2026 jylǵy 24 qyrkúiekte Mańǵystaý oblysynda ótken áskeri oqý-jattyǵý kezinde 17 áskeri qyzmetshini teńiz tolqyny alyp ketken edi. Olardyń 14-i qaza taýyp, úsheýi aman qaldy.
Oqiǵadan beri bir ai ótkende áleýmettik jelide aman qalǵan sarbazdyń anasy Samal Káýelova qaiǵyly jaǵdaidy eske alyp, jaqyndarynan aiyrylǵan otbasylardyń jan jarasyn jetkizdi.
Ol bir otbasynyń uly aman-esen oralsa, endi bir shańyraqtyń perzentinen máńgilikke aiyrylǵanyn jazǵan.
"Bireýlerdiń balasy úiine oraldy… Bireýlerdiń balasy máńgilikke saǵynyshqa ainaldy… Bir úide qýanysh, bir úide únsizdik… Bir ana balasyn qushaqtap otyr, endi bir ana balasynyń sýretin qushaqtap otyr", – dep jazdy Samal Káýelova.
Bul sózder Kaspiidegi qasiretten keiin jaqyndaryn joqtap qalǵan otbasylardyń aýyr jaǵdaiyn taǵy bir márte eske saldy.
