Qazaqstandyq TengriAI jobasynyń ókilderi NVIDIA kompaniiasynyń negizin qalaýshy ári bas atqarýshy direktory Djensen Hýang jáne onyń komandasymen kezdesti, dep habarlaidy dalanews.kz.
Astanada ótken kezdesýde Qazaqstandaǵy jasandy intellekt infraqurylymyn damytý josparlary talqylandy. Bul týraly Nurasyl Medeý áleýmettik jelidegi jazbasynda málimdedi.
Kezdesý barysynda TengriAI jobasy tanystyrylyp, Qazaqstannyń energetikalyq áleýetin jasandy intellekt salasyndaǵy jahandyq suranysty qamtamasyz etýge baǵyttalǵan esepteý qýatyna ainaldyrý múmkindikteri sóz boldy.
Nurasyl Medeýdiń jazýynsha, jasandy intellekt dáýiriniń qalyptasýyna zor úles qosqan tulǵamen óz ideialaryn bólisip, salanyń bolashaǵyna qatysty pikirin tyńdaý erekshe áser qaldyrǵan.
Joba avtorlary Qazaqstannyń energetikalyq resýrstaryn joǵary tehnologiialyq infraqurylymmen ushtastyryp, eldiń jasandy intellekt salasyndaǵy múmkindikterin keńeitýdi kózdeidi.
Kezdesýde ár eldiń jasandy intellekt salasyndaǵy óz áleýetin damytýy mańyzdy ekeni atap ótilgen. Ol úshin ozyq tehnologiialarmen qatar, qýatty infraqurylym, sapaly bilim berý jáne bilikti mamandar daiarlaý qajet.
TengriAI jobasy Qazaqstannyń energetikalyq múmkindikterin paidalana otyryp, jahandyq jasandy intellekt naryǵynda óz ornyn qalyptastyrýǵa baǵyttalǵan.
