قازاقستاندىق TengriAI جوباسىنىڭ ٶكٸلدەرٸ NVIDIA كومپانيياسىنىڭ نەگٸزٸن قالاۋشى ەرٸ باس اتقارۋشى ديرەكتورى دجەنسەن حۋانگ جەنە ونىڭ كومانداسىمەن كەزدەستٸ, دەپ حابارلايدى dalanews.kz.
استانادا ٶتكەن كەزدەسۋدە قازاقستانداعى جاساندى ينتەللەكت ينفراقۇرىلىمىن دامىتۋ جوسپارلارى تالقىلاندى. بۇل تۋرالى نۇراسىل مەدەۋ ەلەۋمەتتٸك جەلٸدەگٸ جازباسىندا مەلٸمدەدٸ.
كەزدەسۋ بارىسىندا TengriAI جوباسى تانىستىرىلىپ, قازاقستاننىڭ ەنەرگەتيكالىق ەلەۋەتٸن جاساندى ينتەللەكت سالاسىنداعى جاھاندىق سۇرانىستى قامتاماسىز ەتۋگە باعىتتالعان ەسەپتەۋ قۋاتىنا اينالدىرۋ مٷمكٸندٸكتەرٸ سٶز بولدى.
نۇراسىل مەدەۋدٸڭ جازۋىنشا, جاساندى ينتەللەكت دەۋٸرٸنٸڭ قالىپتاسۋىنا زور ٷلەس قوسقان تۇلعامەن ٶز يدەيالارىن بٶلٸسٸپ, سالانىڭ بولاشاعىنا قاتىستى پٸكٸرٸن تىڭداۋ ەرەكشە ەسەر قالدىرعان.
جوبا اۆتورلارى قازاقستاننىڭ ەنەرگەتيكالىق رەسۋرستارىن جوعارى تەحنولوگييالىق ينفراقۇرىلىممەن ۇشتاستىرىپ, ەلدٸڭ جاساندى ينتەللەكت سالاسىنداعى مٷمكٸندٸكتەرٸن كەڭەيتۋدٸ كٶزدەيدٸ.
كەزدەسۋدە ەر ەلدٸڭ جاساندى ينتەللەكت سالاسىنداعى ٶز ەلەۋەتٸن دامىتۋى ماڭىزدى ەكەنٸ اتاپ ٶتٸلگەن. ول ٷشٸن وزىق تەحنولوگييالارمەن قاتار, قۋاتتى ينفراقۇرىلىم, ساپالى بٸلٸم بەرۋ جەنە بٸلٸكتٸ ماماندار دايارلاۋ قاجەت.
TengriAI جوباسى قازاقستاننىڭ ەنەرگەتيكالىق مٷمكٸندٸكتەرٸن پايدالانا وتىرىپ, جاھاندىق جاساندى ينتەللەكت نارىعىندا ٶز ورنىن قالىپتاستىرۋعا باعىتتالعان.
