مارقۇم بولات نازارباەۆتىڭ بۇرىنعى ەيەلٸ مايرا قۇرمانعاليەۆانىڭ ۇلى دانييار كەسٸكباەۆقا قاتىستى جاڭا اقپارات جارييالاندى. New York Post باسىلىمىنىڭ دەرەگٸنشە, ول اقش-تىڭ نيۋ-دجەرسي شتاتىنداعى ەڭ قىمبات ٷيلەردٸڭ بٸرٸن نەبەرٸ 10 دوللارعا ساتىپ العان, دەپ حابارلايدى dalanews.kz.
ەڭگٸمە الپاين اۋدانىنداعى زەۋلٸم ٷي تۋرالى بولىپ وتىر. باسىلىم مەلٸمەتٸنشە, بۇل ٷي بٸر كەزدەرٸ 34 ميلليون دوللارعا ساتىلىمعا قويىلعان. 2012 جىلى ونى انونيم كومپانييا 20 ميلليون دوللارعا ساتىپ العان. New York Post دەرەككٶزدەرٸ بۇل كومپانييانى دانييار كەسٸكباەۆپەن بايلانىستىرعان. قازٸر مٷلٸكتٸڭ سالىقتىق قۇنى 35,5 ميلليون دوللارعا باعالانادى.
زەۋلٸم ٷيدٸڭ اۋماعى شامامەن 1,6 مىڭ شارشى مەتر. وندا 9 جاتىن بٶلمە, باسكەتبول الاڭى, بوۋلينگ, ٷي كينوتەاترى, كٸتاپحانا, شاراپ قويماسى, ليفت جەنە باسسەين بار. ال جەر تەلٸمٸنٸڭ كٶلەمٸ 3 گەكتاردان اسادى.
دانييار كەسٸكباەۆ – مالايزييانىڭ بۇرىنعى پرەمەر-مينيسترٸ نادجيب رازاكتىڭ كٷيەۋ بالاسى. نادجيب رازاك 1MDB مەملەكەتتٸك قورىنا قاتىستى اتىشۋلى ٸس بويىنشا سوتتالىپ, قازٸر تٷرمەدە جازاسىن ٶتەپ جاتىر. تەرگەۋ بارىسىندا ونىڭ جەكە شوتتارىنان شامامەن 700 ميلليون دوللار تابىلعانى ايتىلعان. 2020 جىلى سوت ونى جەمقورلىق جەنە اقشانى جىلىستاتۋ باپتارى بويىنشا كٸنەلٸ دەپ تانىعان.
باسىلىم بۇعان دەيٸن كەسٸكباەۆتىڭ The Plaza Hotel قوناقٷيٸندەگٸ قۇنى 20 ميلليون دوللار بولاتىن پەتەردٸ نەبەرٸ 1 دوللارعا العانىن دا جازعان.
ايتا كەتەيٸك, 2012 جىلى بولات نازارباەۆ بۇرىنعى ەيەلٸ مايرا قۇرمانعاليەۆا مەن ٶگەي ۇلى دانييار كەسٸكباەۆتى 100 ميلليون دوللاردان استام اكتيۆتٸ شەتەلگە شىعاردى دەپ ايىپتاپ, سوتقا جٷگٸنگەن. كەيٸن تاراپتار بۇل داۋدى سوتتان تىس رەتتەگەن.
