Mańǵystaý oblysyndaǵy «Quryq» keden beketinde Qazaqstannyń 61 jastaǵy azamatshasynan el aýmaǵyna zańsyz ákelinbek bolǵan 34 zergerlik buiym tárkilendi, dep habarlaidy dalanews.kz.
Mańǵystaý oblysy boiynsha Memlekettik kirister departamentiniń málimetinshe, oqiǵa «Zarifa Álieva» teńiz kemesin Qazaqstanǵa kirgizý kezinde anyqtalǵan.
Keden qyzmetkerleriniń nazaryn 1964 jyly týǵan Qazaqstan azamaty aýdarǵan. Áiel jaiaý júrginshi retinde shekaradan ótken. Pasporttyq baqylaýdan keiin onyń júris-turysy kúdik týǵyzǵan: ol baiaý qozǵalyp, únemi qolyn ish tusyna qoiyp júrgen.
Osydan keiin keden beketiniń qyzmetkerleri Shekara qyzmeti, Ekonomikalyq tergep-tekserý departamenti jáne kólik prokýratýrasy ókilderimen birlesip jeke tekserý júrgizgen.
Tekserý barysynda áieldiń jynys múshesinen jasyrylǵan 34 zergerlik buiym tabylyp, tárkilendi.
Tárkilengen buiymdardyń ishinde syrǵa men saqinadan turatyn 15 jiyntyq, jeti saqina, úsh jup syrǵa, bir shynjyr jáne túrli úlgidegi segiz bilezik bolǵan.
Atalǵan faki boiynsha Qazaqstan zańnamasyna sáikes protsessýaldyq is-sharalar júrgizilip jatyr.
Memlekettik kirister departamenti adam denesine taýar jasyryp ótkizý keden erejelerin buzýdyń eń qaýipti ári óreskel tásilderiniń biri ekenin eske saldy. Mundai áreketter úshin ákimshilik jáne qylmystyq jaýapkershilik qarastyrylǵan.
Vedomstvo ókilderiniń aitýynsha, quzyrly organdar memlekettik shekara arqyly taýarlardy zańsyz ótkizý áreketteriniń jolyn kesý jumystaryn kúsheitilgen rejimde jalǵastyryp jatyr.
