Áleýmettik jelide tanymal mektep direktory Aqmonshaq Nurtaza densaýlyǵyna bailanysty taǵy bir ota jasatqanyn habarlady. Ol Instagram paraqshasynda aýrýhanadan keiingi jaǵdaiy týraly jazyp, oqyrmandaryna alǵys aitty, dep habarlaidy dalanews.kz.
Bilim salasynyń ókili biyl densaýlyǵyna bailanysty qiyn kezeńdi bastan ótkergenin jasyrmady. Onyń aitýynsha, jyl basynan beri úsh ret hirýrgiialyq ota jasalǵan.
Aqmonshaq Nurtaza operatsiiadan endi shyqqanyn aityp, osy ýaqyt aralyǵynda qoldaý bildirgen jandarǵa rizashylyǵyn jetkizdi.
"Otadan osy jańa shyqtym. Qýanyshty da qaiǵyda da bir bolǵan altyn oqyrmandarym, qoldaý sózderińiz, jyly lebizderińiz, duǵa tilekterińizge raqmet.
Biyl densaýlyq jyly boldy. Jyldyń basynan beri 3 ota boldy, alla qoldasyn🤲
Densaýlyqtaryńyzdy kútińizder, qalǵany bári ótkinshi", – dep jazdy Aqmonshaq Nurtaza Instagram paraqshasynda.
Mektep direktory basynan ótken jaǵdaidan keiin adam ómirindegi eń mańyzdy qundylyq densaýlyq ekenin taǵy bir márte túsingenin jetkizdi.
Ol oqyrmandaryn óz densaýlyǵyna beijai qaramai, ýaqytyly kútinýge shaqyrdy.
Ázirge Aqmonshaq Nurtazaǵa qandai sebeppen ota jasalǵany jáne onyń qazirgi densaýlyq jaǵdaiy týraly tolyq aqparat jariialanǵan joq.
