Batys Qazaqstan oblysy Báiterek aýdanynyń Michýrino aýylynda kópqabatty turǵyn úi qurylysy júrip jatqan alańda munaraly kran qulady. Oqiǵa saldarynan kran mashinisi oqiǵa ornynda kóz jumdy, dep habarlaidy dalanews.kz.
Qaiǵyly jaǵdai 7 qarasha kúni túske deiin bolǵan.
Batys Qazaqstan oblystyq politsiia departamenti oqiǵany rastady.
Vedomstvonyń málimetinshe, kópqabatty turǵyn úidiń qurylys alańynda munaraly kran opyrylyp túsken. Saldarynan kran mashinisi sol jerde qaitys bolǵan.
Atalǵan fakti boiynsha sotqa deiingi tergeý bastaldy. Qazir oqiǵanyń mán-jaiy men sebepteri anyqtalyp jatyr.
Tergeý barysynda qurylysty júrgizip jatqan kompaniia, krannyń qulaýyna ne sebep bolǵany jáne qurylys alańynda qaýipsizdik talaptarynyń saqtalǵan-saqtalmaǵany tekseriledi.
