Apple 2027 jyly kamerasy bar AirPods pen jańartylǵan jinalmaly iPhone shyǵarýdy josparlap otyr, dep habarlaidy dalanews.kz.
Apple kompaniiasy aldaǵy jyldary óz tarihyndaǵy eń aýqymdy ónimderdi tanystyrýǵa daiyndalyp jatyr. Bul týraly Bloomberg habarlady.
Basylym málimetinshe, 2027 jyldyń sońyna deiin kompaniia kameramen jáne jasandy intellekt fýnktsiialarymen jabdyqtalǵan AirPods, ekinshi býyndaǵy jinalmaly iPhone jáne iPhone jelisiniń 20 jyldyǵyna arnalǵan mereitoilyq smartfondy shyǵarýdy kózdep otyr.
Jańa AirPods Apple-dyń jasandy intellektke negizdelgen alǵashqy qurylǵylarynyń biri bolýy múmkin. Qulaqqaptarǵa ornatylatyn kameralar sýret nemese video túsirýge arnalmaidy. Olar paidalanýshyny qorshaǵan ortany taldap, alynǵan aqparatty Siri júiesine jetkizip otyrady. Sonyń arqasynda qoldanýshylar ainalasyndaǵy zattar týraly suraq qoiyp, keńes, usynys nemese baǵyt-baǵdar ala alady.
Sonymen qatar, Apple aqyldy kózildirikter men jasandy intellektige negizdelgen basqa da qurylǵylardy ázirleýdi jedeldetip jatyr.
