Air Astana áýe kompaniiasynyń burynǵy basshysy Piter Foster Qazaqstandaǵy Alatau Air Cargo júk áýe kompaniiasynyń táýelsiz direktory bolyp taǵaiyndaldy, dep habarlaidy dalanews.kz.
Kompaniia aktsionerleri direktorlar keńesiniń quramyn jańartý týraly sheshim qabyldaǵan. Osyǵan bailanysty 2026 jyldyń 30 qańtarynda bekitilgen direktorlar keńesiniń ókilettigi merziminen buryn toqtatylady.
Jańartylǵan quramda Piter Foster táýelsiz direktor retinde sailandy. Al direktorlar keńesin kásipker Timýr Týrlov basqarady.
Sonymen qatar jańa quramǵa Erlan Qoishybaev, Sergei Shvalov jáne Aibek Qapar múshe bolady. Taǵy bir táýelsiz direktor retinde Sergei Anashkin sailanǵan.
Aita keteiik, Alatau Air Cargo – Qazaqstandaǵy júk tasymalyna mamandanǵan áýe kompaniiasy. Onyń aktsionerleriniń qatarynda kásipker Timýr Týrlov ta bar jáne ol kompaniiadaǵy iri úlesti baqylaidy.
