Elorda turǵyndary aspanda janyp bara jatqan birneshe belgisiz obektiniń zýlap ótkenin videoǵa túsirip alǵan, dep habarlaidy Dalanews.kz.
"Dostarymyzben oń jaǵalaýda turǵanbyz. Bir kezde aspannan jalynǵa oranǵan belgisiz nárseler óte shyqty. Quiryǵynan ot shashyp, áp-sátte joq boldy", – deidi kýágerler.
Dál osyndai kórinisti Astananyń ózge turǵyndary da baiqap, áleýmettik jelilerde taratyp jatyr.
Qazir bul qubylystyń naqty ne ekeni belgisiz. Dalanews tilshisi Tótenshe jaǵdailar ministrligine habarlasyp, resmi túsinikteme surady. Ministrlik jaýaby jariialanady.
Dalanews derekkóziniń málimetinshe, Astana aspanynda baiqalǵan otty nysandar ǵarysh apparattarynyń qulaǵan bólshekteri.
"Aspandaǵy jarqyldar atmosfera qabatyna enip, órtenip jatqan ǵarysh apparattarynyń synyqtary. Olardyń naqty qaidan shyqqany qazir anyqtalýda. Obektiler atmosferada janyp ketkendikten, adamdarǵa qaýip joq", – dedi derekkóz.
Aita keteiik, bul kórinis tek Astana turǵyndaryna ǵana emes, elimizdiń ońtústik jáne ortalyq óńirlerindegi turǵyndarǵa da baiqalǵan.
