Búgin 16 jastaǵy jasóspirim Sherzat Bolattyń ólimi boiynsha aiyptalýshylarǵa sot úkimi shyqty. Dalanews.kz tilshisi sot otyrysynyń qalai bolǵanyn baiandaidy.
Sot otyrysy Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵimaratynda ótti.
Aiyptalýshylar oryndyǵynda toǵyz adam otyrdy, olardyń biri kámeletke tolmaǵan.
- Azamat Toqtaýbaev 15 jylǵa bas bostandyǵynan aiyryldy.
- Nurqiias Iliiasov 9 jylǵa bas bostandyǵynan aiyryldy.
- Shyńǵys Belǵojaev 7 jylǵa bas bostandyǵynan aiyryldy.
- Darhan Áskentai 7 jylǵa bas bostandyǵynan aiyryldy.
- Didar Qaliahmet 7 jylǵa bas bostandyǵynan aiyryldy.
- Nurbol Toqtaýbaev 7 jylǵa bas bostandyǵynan aiyryldy.
Advokat Meiirman Shekeev úkimmen kelisetinin jetkizdi.
"Eger toptasyp adam óltirý babymen sottalsa kúdiktilerdiń bári keminde 15 jylǵa sottalar edi. Sheshimge rizamyz ba? Bul jerde jeńgen adam joq. Ol da, bul da qazaqtyń balasy. Bul - qoǵamnyń qasireti", - deidi Shekeev.
Al sottalǵan Azamat jáne Nurbol Toqtaýbaevtyń ákesi sot ádiletsiz ótti dep esepteidi.
"Sebebi tergeý amaldary durys júrmedi. Prokýror qalai berdi, solai ketti. Tergeý amaldary júrmegen. Qarjaýbaidyń pyshaǵy joq, qarý solardan shyqty. Endi shaǵymdanatyn jerge shaǵymdanamyz", deidi sottalýshylardyń ákesi.
Sottalýshy Nurbol men Azamattyń anasy da sot sheshimimen kelispedi.
"Biz bári zań aiasynda sheshiledi dep oiladyq. Qazaqstanda zań, ádildik joq. 13 balany terip júrip alyp kelip qamady. Balalardyń taǵdyry oiynshyq boldy", deidi sottalýshylardyń anasy.
20 jylǵa sottalǵan Ravil Sákievtiń anasy úkimdi estip, syrtqa shyqqanda emotsiiasyn ustai almady.
"Qa...m basyna keldińder me? Estigileriń kelip turǵan sol ma? S..ka", - dep zaldan shyǵyp ketti ol.
Sot úkimine marqum Sherzattyń ápkesi Perizat Nurymova pikir bildirdi.
"Sot úkimine kelisemiz. Bul jerde «buzaqylyq» baby boiynsha emes, «toptyq buzaqylyq» baby boiynsha qaralýy kerek edi. Bul – birinshi advokattarymyzdyń obalynda ketken dúnie. Qazirgi qorǵaýshylarymyzdyń arqasynda osyndai úkim shyqqanyna shúkirshilik etemiz", – deidi ol.
Sottalýshy Didar Qaliahmettiń ákesi balasynyń kinási joq dep esepteidi.
"Sońyna deiin baramyz. Jazamen kelispeimin. Apelliatsiiaǵa beremiz", deidi Didardyń ákesi.
Úkimmen kelispeitinderdiń biri - Abzal Shynasyldyń advokaty. Ábenovtyń aitýynsha, sottyń shyǵarǵan sheshimi ádiletsiz jáne 23 jyldyq jaza tym aýyr.
"Bul sheshimmen eshkim kelispeidi, halyq ta barlyǵyn kórip-bilip otyr. Biz aitarymyzdy sot barysynda aittyq, al qalǵan dálelderimizdi endi apelliatsiiada usynamyz", – dedi ol.
Aita keteiik, Sherzat Bolattyń ólimi boiynsha sottalyp jatqan aiyptalýshylar jábirlenýshi tarapqa 120 million teńge tóleýge mindetteldi.
Abzal Shynasyl árbir jábirlenýshige 20 million teńgeden ótemaqy tóleýi tiis.
Ravil Sakiev – 15 million teńgeden, al Shyńǵys Belqojaev, Darhan Áskentai, Nurqiias Iliiasov, Azamat jáne Nurbol Toqtaýbaevtar, sondai-aq Didar Qaliahmet – árqaisysy 10 million teńgeden ótemaqy tóleýge mindetteldi.
