Burynǵy Densaýlyq saqtaý mınıstri Eljan Birtanov pen onyń orynbasary bolǵan Oljas Ábishevtiń atyshýly isi qaıta qaralýy múmkin. Bul týraly Ábishev óziniń Facebook paraqshasynda habarlap, jańa qujattar paıda bolǵanyn málimdedi, dep habarlaıdy Dalanews.kz.

Onyń sózinshe, 2022 jyly sottyń ekeýine shyǵarǵan aıyptaý úkimi negizinen jalǵyz kýágerdiń bergen túsiniktemesine súıengen. Endi soǵan múldem kereǵar keletin resmı derekter qoldaryna tıgen kórinedi. Osyǵan baılanysty Ábishev pen qorǵaýshylary Bas prokýratýraǵa isti jańadan ashylǵan mán-jaılar boıynsha qaıta qaraýdy surap, resmı aryz túsirgen.

Aıta keteıik, 2022 jyldyń qazanynda Eljan Birtanov pen Oljas Ábishev 2018 jyly horvatıalyq Ericsson kompanıasymen jasalǵan quny 1,3 mlrd teńgelik sıfrlyq platformany «istemese de qabyldap aldy» degen aıyppen kináli dep tanylǵan edi. Sot sheshimimen Birtanov bes jylǵa, al Ábishev tórt jylǵa erkindiginen shektelgen bolatyn. Sondaı-aq ekeýi memleketke keltirgen shyǵyndy birge óteýge mindettelgen.

Qazir Bas prokýratýranyń qandaı sheshim qabyldaıtyny kópshilik nazarynda tur.