بۇرىنعى دەنساۋلىق ساقتاۋ مينيسترٸ ەلجان بٸرتانوۆ پەن ونىڭ ورىنباسارى بولعان ولجاس ەبٸشەۆتٸڭ اتىشۋلى ٸسٸ قايتا قارالۋى مٷمكٸن. بۇل تۋرالى ەبٸشەۆ ٶزٸنٸڭ Facebook پاراقشاسىندا حابارلاپ, جاڭا قۇجاتتار پايدا بولعانىن مەلٸمدەدٸ, دەپ حابارلايدى Dalanews.kz.
ونىڭ سٶزٸنشە, 2022 جىلى سوتتىڭ ەكەۋٸنە شىعارعان ايىپتاۋ ٷكٸمٸ نەگٸزٸنەن جالعىز كۋەگەردٸڭ بەرگەن تٷسٸنٸكتەمەسٸنە سٷيەنگەن. ەندٸ سوعان مٷلدەم كەرەعار كەلەتٸن رەسمي دەرەكتەر قولدارىنا تيگەن كٶرٸنەدٸ. وسىعان بايلانىستى ەبٸشەۆ پەن قورعاۋشىلارى باس پروكۋراتۋراعا ٸستٸ جاڭادان اشىلعان مەن-جايلار بويىنشا قايتا قاراۋدى سۇراپ, رەسمي ارىز تٷسٸرگەن.
ايتا كەتەيٸك, 2022 جىلدىڭ قازانىندا ەلجان بٸرتانوۆ پەن ولجاس ەبٸشەۆ 2018 جىلى حورۆاتييالىق Ericsson كومپانيياسىمەن جاسالعان قۇنى 1,3 ملرد تەڭگەلٸك تسيفرلىق پلاتفورمانى «ٸستەمەسە دە قابىلداپ الدى» دەگەن ايىپپەن كٸنەلٸ دەپ تانىلعان ەدٸ. سوت شەشٸمٸمەن بٸرتانوۆ بەس جىلعا, ال ەبٸشەۆ تٶرت جىلعا ەركٸندٸگٸنەن شەكتەلگەن بولاتىن. سونداي-اق ەكەۋٸ مەملەكەتكە كەلتٸرگەن شىعىندى بٸرگە ٶتەۋگە مٸندەتتەلگەن.
قازٸر باس پروكۋراتۋرانىڭ قانداي شەشٸم قابىلدايتىنى كٶپشٸلٸك نازارىندا تۇر.
