Mańǵystaý oblysynda búgin, 2025 jyly 6 maýsymda ken ornynda apatty jaǵdai oryn aldy. Oqiǵa ornyna barlyq tótenshe qyzmetter shuǵyl atandy, dep habarlaidy Dalanews.kz.
Óńirlik TJD baspasóz qyzmetiniń habarlaýynsha, Beineý aýdanynda 2025 jyly 6 maýsymda "Tolqyn" ken ornyndaǵy №57 uńǵymada avariialyq jaǵdai oryn aldy.
"Varro Operating Group" JShS-niń "Tolqyn" ken ornyndaǵy №57 uńǵymadan gaz-sý qospasynyń órtsiz shyǵýy tirkeldi. Apat saldarynan zardap shekkender joq. Qazirgi ýaqytta uńǵymanyń trýbalyq keńistiginen gaz-sý qospasynyń shyǵýy jalǵasýda", delingen tótenshelikter habarlamasynda.
Avariialyq jaǵdaidy joiý úshin oqiǵa ornyna Mańǵystaý oblysy Tótenshe jaǵdailar departamentinen – 10 birlik tehnika, 32 qyzmetker jáne 1 ushqyshsyz ushý apparaty jumyldyryldy. Sonymen qatar:
- "Aqberen" JShS,
- "Ońtústik munai servis" JShS,
- "Nobilis Corp" JShS,
- "Varro Operating Group" JShS-niń kúshteri men quraldary tartyldy.
Buǵan deiin qorshaǵan ortany lastaǵan Óskemen titan-magnii kombinatyna 24 million teńge aiyppul salynǵanyn jazǵanbyz.
